024. István ifjabb királynak Forrót, Devecsert, Fancsalt, Eözdöt és Guthát tárgyazó adománya, Aladár, a királyné tárnokmestere, számára. 1262.

(S)tephanus Dei gracia junior Rex Hungarorum, Dux Transiluanus, Dominus Cumanorum omnibus Christi fidelibus presentem paginam inspecturis salutem in omnium saluatore. Licet Regia pietas manum munificam porrigere debeat uniuersis; illos tamen, quorum experta probitas laudata est in prosperis et aduersis principaliori debet prosequi munere et fauore, ut alij eorum exemplis inuitati ad fidelitatis et seruiciorum studia forcius accendantur. Hinc est, quod uniuersorum noticie harum serie declaramus, quod consideratis seruiciorum meritis Aladarij Magistri Tauarnicorum domine Regine karissime consortis nostre, que idem ab ineuntis etatis sue temporibus uestigia progenitorum suorum, fidelitati scilicet dando operum efficacem, laudabiliter consecutus, domino Regi karissimo patri nostro, nobis et Regno Vngarie, exponendo se pro ceteris casibus fortuitis in eundo in Greciam et inibi in pluribus euentibus et fortunis moram per triennium protrahendo sollempni negocio Regni promoto et probabiliter terminato; nec non eciam in pluribus expedicionibus casibusque Regni nostri, licet ea recitari nequeant per singula suo modo, nec rebus uolens parcere nec persone, exhibuit fideliter et deuote; in recompensacionem seruiciorum ipsius, quamuis grata uicissitudine occurrere debuissemus maxime, quam et precipue, quia egregij et superexcellentis gaudij ac primiciales solempnitatis matrimonij nostri, de natiuitate scilicet karissimi primogeniti nostri, Ducis uidelicet Ladizlai, nuncius extitit et relator, nobis hoc disponentibus et ordinantibus, ac eciam domina Regina consorte nostra karissima destinante, per quod nobis dulcor filialis atratiuus ingessit primicialem materiam gaudiorum; uolentes eidem graciori et liberaliori uicissitudine occurrere, quamquam pro modico reputemus, 34quod ad presens agimus, respectu eorum que facere intendimus; terras quinque villarum, villa scilicet Forrou, qui catedralis locus Comitatus Castri Awa Wyuar erat, uille Deuecher, villa Fonchal, ville Euzd et villa Gutha, sitas in Comitatu dicti Castri, quas collacioni nostre magis aptas inuenimus et cognouimus, eo quod terre Castri prehabiti extiterunt ab antiquo, non obstantibus donacionibus et litteris, cum quibus per dominum Regem karissimum patrem nostrum uel per nos alicui uel aliquibus forsitan sunt collate, sepedicto Magistro Aladario, et suis heredibus heredumque successoribus, contulimus, donauimus et dedimus perpetualiter et inreuocabiliter possidendas, contradiccione aliqua non obstante, sub hiisdem metis et terminis, sicut per priores possessores limitate et possesse pariter extiterunt. Hoc expresse acto, quod si dictum Magistrum Aladarium heredum contingat orbari solacio, dictas terras dandi, donandi, legandi cuicunque uoluerit liberum et absolutam habeat facultatem. Vt igitur hec nostra collacio robur obtineat perpetue firmitatis, et ne per quempiam possit uel debeat retractari, presentes concessimus sigilli nostri munimine roboratas. Datum per manus Magistri Benedicti Prepositi Scybiniensis aule nostre Vice Cancellarij anno Domini M°CC°LX° secundo.

(IV. László királynak 1273-ki megerősítő privilegiumából, a budai királyi kamarai levéltárban.)