Stephanus Dei gracia junior Rex Hungarie, Dux Transiluanus et Dominus Comanrorum omnibus presentes litteras inspecturis salutem in Domino saluatore. Ad Regiam pertinet Maiestatem precibus condescendere subiectorum, quod eorum numerus augeatur et Regalis potencia lacius extendatur; cum Regis sit proprium in multitudine populi gloriari. Hinc est, quod ad vniuersorum noticiam tenore presencium volumus peruenire: quod hospitibus nostris de villa Zeleus de nostra gracia pleniori has libertates duximus conferendas: quod quicunque homines libere condicionis ad villam Zeleus causa commorandi uenire uoluerint, secure ueniant et libere commorentur; et sicut libere ueniunt, sic et libere recedere possint saluis rebus ipsorum et personis, venditis edificijs proprijs sumptibus conparatis, soluto iusto terragio, habita licencia de villico clara luce. Item quod iudicio nullius Comitis astare teneantur, nisi Judicis aut uillici ex communitate electi. Item villicum inter se eligant quem uoluerint, et sacerdotem sponte recipiant. Item decimam sacerdoti debitam in agro relinquant. Item sacerdos eorum de omnibus mansionibus racione decimarum soluat nobis, uel cui nos preceperimus, vnam marcam in termino assignato. Item omicida pro omicidio judici eorum soluet duas marcas; item pro mortali uulnere vnam marcam; et de simplici percussione, sine sit cum sanguine, siue non, dimidiam marcam. Item super causis inter se exortis liberare habeant pacem reformandi facultatem. Concessimus eciam, quod in siluis adiacentibus venari capriolos, lupos, wlpes et in aquis piscari libere possint et secure. Item de singulis curijs habentibus agros annuatim soluent tria pondera, et de singulis curijs agros non habentibus vnum pondus et dimidium. Item uolumus, quod ubicunque fuerint cum suis mercimonijs, nullas eosdem presumpmat inpedire; sed si aliquis 32aliquid accionis habuerit contra eosdem, coram villico eorum ordine judiciario prosequatur. Item uolumus, quod forum habeant liberum et absque tributo secunda feria celebrandum. Item portum super Ticiam habeant iuxta eandem villam et uia currat libera per medium ville supradicte. Volumus eciam, quod terragium villicus eorum et sacerdos circa festum Sancti Martini colligant, et ijdem nobis deferant. Item ad nostrum exercitum, in quo esse debemus, personaliter vnum militem cum armis militaribus mittere tenebuntur. Voluntus eciam, quod nullus Baronum nostrorum super eos descensum facere presumpmat violentum. Item, si qui uoluerint molendina et alia opera vtilia, ac vineas, liberam habeant faciendi facultatem. Preterea, ut numerus hospitum nobis seruiencium augeatur, dedimus terram Droch, et terram piscatorum nostrorum adiacentem eisdem; hoc obseruato, vt tantum de predicta terra piscatoribus nostris relinquatur, vnde se possint commode sustentare. In cuius rei testimonium et perpetuam firmitatem presentes concessimus litteras dupplicis sigilli nostri munimine communitas. Datum anno Domini M°CC°LX° secundo, per manus venerabilis patris Smaragdi Dei gracia Archiepiscopi Colocensis aula nostre Cancellarij.
(Robert Károly királynak 1329-ki XIV. kalendas Junii kelt átiratából a mélt. báró Perényi család levéltárában. Nagy-Szőllős mintájára a máramarosi városok is nyerték privilegiumaikat, de ezek elvesztek.)