Bela Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanieque Rex omnibus tam presentibus quam futuris presentes litteras inspecturis salutem in omnium saluatore. Licet munificencie Regalis inmensitas ad quoslibet manu largiflua se habere debeat, illos tamen uberioris et amplioris gracie beneficio fouere tenetur et amplecti, quorum fidelitatis constanciam per experimenta didicit, et morum honestatem iugiter comprobauit. Proinde ad uniuersorum noticiam uolumus peruenire, quod cum Serefel nobis plurima seruicia in feruore fidelitatis inpendiset, nos in recompensacionem seruiciorum suorum, ut ex hoc alij ad fidelitatis opera cicius incitentur, eidem et per eum suis eredibus eredumue successoribus terras Castri nostri Golgouch, Ozus uidelicet; Rupov, Haradicha, Dumbou; item alias duas terras Castri nostri Nytriensis, Zahurch et Ceteruch nuncupatas ultra fluuium Wag existentes, a dictis Castris nostris eximentes, de plenitudine nostre gracie duximus perpetuo et inreuocabiliter conferendas; quas eciam ipsi Serefel per fidelem nostrum Michaelem Comitem de Scepus fecimus assignari, omnibus commetaneis et uicinis, ac iobagionibus Castrorum predictorum presentibus, nec ullo contradictore existente; sicut in litteris Capituli Nitriensis uidimus contineri. Quarum siquidem mete seu termini, quemadmodum in eiusdem Capituli litteris inspeximus, hoc ordine distinguntur: Incipiens a nemore nomine Jobluncha a terra uille Chytkou uergit uersus partem septemtrionalem, et transiens quendam fluuium Mayona uocatum, ubi sunt due mete, uadit ad quandam uiam, in qua tendit per binas metas signatas cum arboribus ilicum, que distingunt a terra uille Hollouk; et exinde diuertit ad partem sinistram, et per eandem uiam uadit per binas metas, que distingunt a terra uille Holbouka, uergit ad quendam 25(így) uirgultum, ubi sunt due mete; et exinde protenditur per terram campestrem distinctam per binas metas, que separant a terra uille Crathuow; deinde declinat ad partem orientalem, et uadit ad quendam fluuium, vbi sub tilia sunt due mete, de quibus uadit ad quandam vallem ad fluuium Moyna, superius nominatam, et ibi sunt due mete; de quibus asscendit per monticulum, et iuxta quandam uiam, que uadit de uilla Petrus, vbi eciam sunt due mete, tendit per siluam cum binis metis, que distingunt a silua dicte ville Petrus; deinde descendit ad terram uille Brizona, et exinde uadit ad partem meridionalem per quoddam fossatum signatum binis metis, que separant a terra dicte ville Jobluncha; et transiens fontem Jobloncha vadit ad montem Zobothin uocatum, vbi iuxta quandam uiam sunt due mete; postea transit ad siluas, et uenit ad quendam montem Dobrovada vocatum, in quo sunt due mete, que distingunt a terra Magistri Aba; de quibus descendit ad plagam orientalem ad fluuium Brizona superius nominatum, et sic terminatur. Item terre Dumbou hec sunt mete: Incipiens a fluuio Dumbov vocato de terra Dionisij Comitis vadit ad quandam uiam per binas metas versus partem meridionalem, et uenitur ad terram uille Corompa, de qua extenditur ad partem occidentalem, et vadit binis metis distinctis, et iungit terram ville Fel Dombov, vbi sunt due mete; exinde extenditur ad partem occidentalem, et descendit per binas metas usque fontem Dombov nominatum, et sic terminatur. Item prima meta uille Cecheruch a quodam monte a terra uille Kuerencher, et uadit ad partem meridionalem descendens in quendam fluuium Kochyn uocatum, vbi sunt due mete, et transiens fluuium uadit iuxta eundem ad partem meridionalem cum binis metis distinctis; venit ad quandam viam, ubi sunt due mete, et per eandem protenditur ad partem orientalem, et iungitur ad terram uille Rakoych, de qua protenditur per quandam uiam erbosam, et uadit usque ad fluuium Chetruz vocatum, et ibi sunt due mete, que separant a terra ville Brey; et transiens eundem fluuium vadit iuxta illum per binas metas, et uenitur usque ad terram ville Banan; deinde procedit ad partem occidentalem, et cum binis metis descendit ad fluuium Chetruz superius nominatum, vbi eciam sunt due mete; et transiens fluuium vadit in montem, ubi sub quadam 26fago sunt due mete; deinde descendit in quandam uiam, in qua vadit per binas metas ad fluuium Zahorch uocatum; et ibi taliter mete eiusdem terminantur. Item incipit prima meta terre Zahorch a terre ville Olesca, et vadit continue ad partem septemtrionalem in fluuio Olesca vocata, et venitur ad villam Bryzona, vbi sunt due mete; deinde diuertit ad partem occidentalem, et uenitur ad fluuium Nadostov vocatum; exinde transit uersus partem meridionalem; et in quodam monte Chynoa vocato sunt due mete; a quibus descendit ad quandam uiam cum binis metis, vadit usque ad Klenek villam Magistri Aba, et ibi sub arbore sorbelli sunt due mete; de quibus descendit per binas metas usque ad terram uille Kerencher; et tendens montem, quod uulgo dicitur berch, in eodem sunt due mete, et sic terminatur. Vt igitur huius nostre collacionis series robur perpetue firmitatis obtineat, presentes dedimus litteras duplicis sigilli nostri munimine roboratas. Datum per manus Magistri Farcasij aule nostre Vice-Cancellarij Electi Ecclesie Albensis dilecti et fidelis nostri, anno Domini M°CC° sexagesimo secundo.
(Eredetie bőrhártyán, melynek fehér-fekete selyemzsinóron függött pecsétje elveszett, a budai kir. kamarai levéltárban.)