Stephanus Dei gracia Rex primogenitus Illustris Regis Vngarie, Dux Transiluanus, omnibus presentes litteras inspecturis salutem in omnium saluatore. Ad Regiam pertinet Maiestatem, precibus condescendere subiectorum, ut sic fidelium numerus augeatur, et Regalis potencia lacius extendatur, cum Regis sit proprium in multitudine populi gloriari. Proinde ad uniuersorum noticiam harum serie uolumus peruenire, quod nos ad supplicacionem fidelium hospitum nostrorum de Satureleu has eis libertates duximus ordinandas: quod quelibet mansio singalis annis singula duo pondera in denarijs computatis pro tempore currentibus in festo Sancti Regis 6Stephani pro terragio soluere teneantur; nec Comes de Potok pro tempore constitutus ipsos poterit iudicare, sec villicus ipsorum, quem pari et consona uoluntate sibi elegerint in uillicum, in causis minutis ipsos iudicet; et si aliquas causas idem villicus propter sui arduitatem discutere de iure non posset, ad nostram presenciam deferre debeat decidendas. Duximus eciam annuendum, quod predicti hospites liberam habeant facultatem piscandi in aqua, que Budrug nuncupatur. Preterea si nos illuc accedere contingat, nobis prandium et cenam dare cum omnibus necessarijs teneantur. Preterea concessimus, quod de rebus decendencium sine herede Comes de Potok nichil sibi possit uendicare; sed decedens libere possit cuicunque uoluerit, legare uel donare. Item uolumus et concedimus, quod in uilla ipsorum secunda feria liberum forum celebretur, et absque tributo. Si qui eciam ad eandem villam uenire uoluerint causa commorandi, libere ueniant, saluis ac sanis rebus suis, dummodo sint homines libere condicionis. Item omni anno villicum suum possint, si uoluerint, remouere, et alium loco sui substituere. Preterea duximus statuendum, quod ijdem hospites eligent quemcunque uoluerint sacerdotem, et quem e communi consensu receptauerint discretum, ille debeat esse sacerdos ipsorum. Decimas eo modo per omnia soluere debeant; quemadmodum hospites de Potok dare consueuerunt. - - - - decima ipsorum sacerdoti eorundem cedere debeat; in alijs eandem libertatem per omnia habituri, qua hospites nostri de Potok perfruuntur. Item uolumus, quod in hijs septem Comitatibus, v - - - - in Zemlyn, in Nouo Castro, in Sarus, in Wng, in Borsua, in Zoboch, nullum tributum soluere teneantur. Volumus eciam, quod cum necessitate ingruente; quod Deus auertat, hospites nostri de Saturelen ad castrum nostrum de Saturhyg conueuerint, iudicio Castellani nostri pro tempore constituti debeant subiacere, qui eos iudicare debeat auctoritate nostra pariter cum Plebano; ita quod si modum excesserit in iudicio, idem Plebanus uice persone nostre de immoderato iudicio dictum Castellanum debeat prohibere; et hoc facere debeat testimonio Fratrum Predicatorum et Minorum. Si uero aliqua lis oriatur sub aliquo villico preter causas furti, latrocinij, effusionis sanguinis uel homicidij, que minoris cognicionis requirit examen, villicus 7iudicare possit, uel si negligens esset, et nollet iusticiam facere querelanti, extunc idem villicus ad Castellani presenciam euocetur, de quo Castellanus iudicium facere possit a nobis sibi tradita potestate. Hoc ecium expresse acto, quod loca, que quibus dicits hospitibus statuimus, ijdem pacifice perpetuo possideant et in euum; et si uoluerint, cum ipso loco, et cum omnibus edificijs super ipso loco constructis, vendendi, dandi, donandi uel in elemosinam conferendi, liberam et absolutam habeant ac plenariam potestatem. Si qui uero super locis sibi tradictis edificare nollent, infra annum dedimus auctoritatem eidem Castellano nostro, quod illa loca ab illis auferat, et illis, qui edificare uoluerint super illa, possit et debeat assignare. Adicimus eciam, quod tempore necessitatis in cysternam aquam communiter deferre teneantur; et si non facerent compulsi per Castellanum, facere debeant sub grauamine iudicij alicuius. Item, si aliquos ad nos in legacione mittere uoluerint de hijs, qui in Castro nostro sunt, uenire et redire sine contradiccione qualibet teneantur. Et ut hec nostra ordinacio robur perpetue firmitatis optincat, presentes eisdem concessimus litteras dupplicis sigilli nostri munimine roboratas. Datum per manus Magistri Benedicti Zybiniensis Prepositi aule nostre Vice-Cancellarij dilecti et fidelis nostri, anno Domini M°CC°LX. primo.

(IV. László király által 1284. megerősítve. III. Endre királynak 1291-k megerősítő privilegimából, a budai kir. kamarai levéltárban.)