385. A keresztesek esztergami konventjének bizonyságlevele, hogy Mete Elusnak fia tizenkét ekényi földet Been mesternek eladott. 1260.

Frater Jacobus miseracione Diuina Magister Hospitalis Domus Sancti Stephani Regis de Strigonio et Conuentus eiusdem, omnibus presentes litteras inspecturis salutem in Domino Jesu Christo. Ad vniuersorum noticiam volumus pernenire, quod constitutis coram nobis Mete filio Elus de uilla Mortund (de) Parrochia Huntiensi ex una parte; et Been magistro filio Bitroldi ex altera; idem Mete proponens asseruit uiua uoce; quod ante destruccionem ac deuastacionem Regni per Tartaros vna cum cognatis suis, videlicet Erney filio Geruasij, Benedicto, Martino filio Welchic, Chehuta filio Farcasij, Tadey filio Mathie, qui iam omnes essent defuncti; quidam vero ipsorum per Tartaros, quidam morte dominica, de terris hereditarijs suis terram ad duodecim aratra sufficientem, cum silua et feneto, nec non alijs utilitatibus, uendidisset pro triginta marcis argenti minus vna plenarie sibi persolutis B. magistro supradicto contradiccione aliqua non obstante, cum suis heredibus jure perpetuo possidendam; cuius robur ac priuilegium tempore Tartarorum fuisset corruptum; ijdem M. et B. magistri vnamiter ad robur et priuilegium postulantes per nos et sigillum nostri Conueutus renouari. In cuius renouacionem ad peticionem parcium presentes concessimus sigilli nostri Conuentus munimine litteras memoratas. Anno Domini Mş CCş XLş.

A B C

(Eredetie bőrhártyán, melyről a vörös-sárga zsinóron függött pecsét már elveszett, a főmélt. hg. Eszterházy család levéltárában. Az évszám hibás, s úgy látszik, hogy az 1260 év értendő.)