381. A váczi káptalannak bizonyságlevele, hogy a Zolnok nemzetségnek több tagja Bagon birtokukban osztozkodott. 1260.

A B C D E F

Omnibus Christi fidelibus tam presentibus quam posteris presencium (noticiam habituris) humile ac deuotum Vaciensis Ecclesie Capitulum oraciones in Domino. Vniuersitati uestre tenore presencium duximus declarandum, quod Comes Paznanus et Zounuk de genere Zounuk de villa Bagon; item Tunev, Gothart, Sandor et Pousa; item Paulus filius Gera de eodem genere Zounuk de eadem villa Bagon in nostra constituti presencia viua uoce sunt protestati, quod terram ville Bagon; que eosdem jure hereditario contingit, ad tres partes dinisissent hoc modo, vt dictus Paznanus Comes et Zounuk terciam partem illius terre retineret ex parte ville Dengenec per totum conterminium, et ex parte ville Sirak, et ex parte ville Henel usque ad fluuium Fizeg; secunda uero pars pertinet Paulo ultra fluuium Fizeg juxta terminos eiusdem ville Henel, et ex parte ville Chetke aliquantum eundo iuxta metas ville Gede; tercia uero pars cessit Tuneuni, Gothardo et Pouse, quorum commetanei sunt villani de Gede, Micudhotuono, Cukenushotuono ex utraque parte fluuij prenominati, porcionem terre predicti Comitis Paznani et Zounuk separat a terris Pauli Tuneunis, et suorum cognatorum Fizeg ante nominata. De nemore autem, quod adiacet juxta fluuium antedictum, talem fecerunt diuisionem inter partes diuidentes, quod superior pars ex parte orientis usque ad arborem piri magni, in qua est signum crucis, cessit in partem Comitis Paznani et Zounuk, altera uero pars ultra eundem fluuium ex parte occidentis cessit Tuneuni et cognatis suis, tenendo tantum spacium in longitudine, quantum Comes Paznanus et Zounuk, terciam uero partem inferius ex utraque parte fluuij optinet Paulus antedictus. Fenetum uero ex utraque parte fluuij adiacens in tres partes inter partes diuiserunt. Ecclesia uero ipsius ville Bagon cessit super porcione terre ipsiuss Comitis Paznani et Zounuk; et licet ius patronatus sit eis communis (így), non tamen predicte due partes possint prope ecclesiam mansiuculas hedificare. Item communem uiam ad ecclesiam ueniendi habent in spacio XL amplexuum manus vno in latitudine, ita quod in spacio ipsius uille nulla possit parcium hedificare uel aliquid sibi uendicare. Vt autem hec diuisio inter partes prenominatas firma et stabilis perseueret, ad preces ipsarum parcium litteras presentes alphabeto bipartitas et sigilli nostri munimine roboratas duximus indulgendas. Reuerendis Ecclesie nostre fratribus Gregorio Preposito, Abraam Lectore, Gurk Cantore, Paulo Custode, et ceteris Deo devote ministrantibus. Actum anno gracie Mş CCş LXş.

(Eredetie bőrhártyán, melynek hártyazsinegen függött pecsétje elveszett, a budai kir. kamarai levéltárban.)