Bela Dei gracia Rex Hungarie fidelibus suis Comiti Jauriensi et tributarijs de Jaurino, de Abada et Fygzegeur salutem et graciam. Litteras venerabilis patris Episcopi Jauriensis super forma exigendorum tributorum in Jaurino, Abada (et) Figzegeur more antiquitus observato recepimus in hunc modum: vt videlicet de quolibet curruum Teutunico veniente in Hungariam tributarij debeant habere quatuor denarios, et Comes Jauriensis duos denarios Regales Item de curru transeunte de Hungaria tributarij debent habere octo denarios et Comes duos. Item si venerint in nauj cum suis mercimonijs, debent computare et redigere ad quantitatem curruum, et de quolibet curru tributarij debent habere quatuor denarios et Comes duos. Sed si superius eant in nauj, de bove cuiuslibet currus octo denarios tributarijs, et duos Comitj. Item si Teutonici boues superius deferant, de quolibet boue duos denarios, et Comes vnum denarium de duobus bobus Teutonicorum. Item de curribus Hungaricis tributarij duos denarios, et Comes de duobus curribus vnum denarium. Item de bobus Vngarorum superius deferencium vnum denarium de duobus bobus, et de quatuor bobus Comes vnum denarium. Item de curru mellis tributarij debent habere tria pondera, Comes vnum pondus. Item de quolibet tunnello vini tributarijs octo denarios, et Comiti duos denarios. Item de curru salium Vngarorum duos sales et dimidium in porcionem Comitis Jauriensis. Item de centum marcis piperis tributarij debent habere vnius marcarum piperis, et de centum chirotecis duas chirotecas, et sic de alijs minutis mercimonijs. Item de curru hospitum Latinorum vnum franconem. Item in Fygetegeur de curru Teutonicomm quorumcunque homines habente vnum denarium, de reliquis autem mercimonijs, bobus scilicet et alijs, nihil dare tenentur in Figetegeur. Item in Obbada de duobus curribus Teutonicorum quatuor denarios solvant tributarijs. Item de duobus bobus vnum denarium. Item pedites Teutonici nihil persoluere teneantur. Vnde fidelitati Vestre districte precipiendo mandamus, quatenus vltra formam antiquitus obseruatam in tributjs nihil penitus exigere presumatis; alioquin transgressores nostri mandati in persona et rebus commisimus punire. Datum in Churgou in festo Sancti Georgij, anno Domini Mş CCş LXş.

(XIV. századi másolat után Soprony város levéltárában. Horváth Mihály.)