Datum pro memoria; quod Martino Comite filio Comitis Martini ex una parte, et Tristano, Myke, Martino ac Raynoldo de generacione Jak ex altera coram nobis constitutis; ijdem super diuisione terre sue hereditarie, super qua inter ipsos controuersia vertebatur coram nobis, se retulerunt ad tale pacis commodum deuenisse: Quod predictus Comes Martinus dedisset predictis Tristano, Myke, Martino ac Raynoldo porcionem terre Dabrapatak vocate, receptam a Stephano et Bartolomeo filijs Jacobi Comitis in concambium porcionis terre sue nomine Korpna sub ijsdem metis, quibus venerabilis pater O. Episcopus Jauriensis de uostro mandato, cum cognitor esset cause predictorum nobilium, predicto Comiti Martino per Custodem Ecclesie Ferrei Castri fecerat assignari. Cuius quidemi terre collacioni Bartolomeus, qui tam pro se, quam pro Stephano fratre suo astitit, de quibus predicta terra Comiti Martino deuenerat, consensit presencialiter coram nobis; hoc expresso, quod pro particula terre predicte, date per Comitem Martinum viris supradictis, quam particulum Jurk filius Gelke inhibuit, Martinus Comes iuxta nouas metas coram homine Capituli Ferrei Castri erectas; uersus Zurnapatok a parte occidentali secundum arbitrium Pouse et Siluestri Comitum, uel alterius eorum, si ambo interesse non possent, considerata qualitate et quantitate dictarum terrarum sabbato proximo post Pasca coram prenominato Custode Ferrei Castri de terra sua pignori obligabit; ita, quod si illam particulam inhibitam a Jurkone predicto Comes Martinus euincere potuerit, ijdem viri accepta sibi eadem particula, dictam terram pignori obligatam Martino Comitj resignabunt. Si vero idem Jurk eandem terram a Comite Martino iuris ordine optinuerit, dictam terram impignoratam predicti viri sine contradiccione aliqua perpetuo possidebunt. Preterea obligauit se idem Comes Martinus, quod si predicto sabbato proximo post Pasca, tervam, quam assumpsit predictis viris dare pro pignore, non dederit; eisdem dare tenebitur cum dupplo. Si uero eorundem arbitrorum arbitrio non paruerint dicti viri, terram, que ipsis pro pignore dabitur, amitterent ipso facto. Item idem Comes Martinus predictis viris assumpsit soluere decem marcas, ex quibus quinque marcas argenti eisdem persoluit coram nobis; alias uero quinque marcas in estimacione condigna cum bohus, et non alijs rebus, soluet tercia feriarum proxima post octauas Pasce coram Capitulo Ferrei Castri; quas (si) nec tunc persoluerit, quinque marcas, quas prius persoluit, amittet, et nichilominus easdem decem marcas soluere tenebitur ex integro. Hoc adiecto, quod predium Comitis Martini nomine Har, in quod predictos viros feceramus introduci, ijdem viri ab hodie restit(u)erunt Martino Comiti supradicto. Hijs igitur per eundem Comitem Martinum plenarie persolutis et completis idem Martinus, et Chepanus filius Cazmerii, ac omnes alii cognati eorum, super diuisione de possessionibus Chepanum (így) quondam Bani predictos viros contingente erunt expediti et penitus absoluti, ac littere, contra Coraitem Martinum hactenus impetrate, habebuntur irrite et inanes. Partes eciam omnes causas, omnesque contenciones usqne hodie uentilatas mutuo sedauerunt ita, ut nullius penitus sint momenti. Assumpserunt insuper ijdem uiri, quod premissis seriatim peractis accedent ad presenciam Albensis Capituli, et dabunt super eadem satisfaccione Comiti Martino litteras Capituli memorati, tunc uidelicet cum per hominem Capituli Ferrei Castri fuerint euocati. Datum in Oronas in Dominica Judica, anno Doinini Mş CCş Lş nono.

(Az eredeti után Ráth Károly, Hazai Okmánytár IV. köt. 38. l.)