Nos Capitulum Ecclesie Albensis damus pro memoria, quod cum Elec filius Comitis Nicolai primo in festo Sancti Laurencii in presencia nostra, Abbate de Jaz et Johanne filio Gregorii consanguineis suis presentibus et consencientibus ducentas marcas denariorum Regalium cum pondere a Fauo Abbate Sancti Martini de Sacro Monte Pannonie mutuatas postmodum in tercio die Pentecostes post festum Sancti Laurencii proxime consequens idem Elec in nostri presencia octoginta mareas in redempcionem cujusdam possessionis sue apud Princh - - - - - - - - obligate sibi iterato mutuari supplicauit, obligans sibi dictam possessionem Vrs nuncupatam sub pena caucionum et obligacionum ac terminorum decisione, que in prioribus litteris nostris super mutuacione ducentarum marcarum continentur. Cujus supplicacionibus idem Fauus Abbas fauorabiliter inclinatus ducentas octoginta marcas in denariis Regalibus cum pondere memorato Elek mutuauit coram nobis, ut prediximus, ipsas octoginta marcas superaddens ducentis marcis predictis. Et sic idem Elec domino Abbati in totali summa tenetur in ducentis et octoginta marcis, pro quibus omnibus, ut est pretactum, memoratam possessionem Vrs impignoratam obligauit sub pena obligacionum et caucionum in litteris prioribus insertis seriatim. Datum anno Domini millesimo ducentesimo quinquagesimo septimo.

(A fehérvári káptalannak 1258-ki átiratából, mint alább.)