300. IV. Béla királynak Ság Nyitramegyei birtokra vonatkozó adománya Agari Sándor számára. 1256.

Bela Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanieque Rex vniuersis Christi fidelibus presentibus et futuris presens scriptum inspecturis salutem in omnium saluatore. Ad uniuersitatis uestre noticiam tenore presencium uolumus peruenire, quod ueniens ad nostre Magestatis presenciam Alexander filius Zoch de Agar dilectus et fidelis noster, seruiciaque sua, que nobis diuersis locis et temporibus, et specialiter in partibus Ultra Drauanis et Coruacie post exitum Tartarorum de Regno nostro, ubi plurima mortalia wlnera pro nobis pertulit, rememorans et proponens, quandam terram et possessionem reciatorum nostrorum Sag uocatam in Comitatu Nitriensi existentem possessioni sue similiter Sag vocate, per nos sibi collate, uicinam et contiguam instantissimis suplicacionibus sibi dari petiuit et donari. Nos igitur supplicacionibus ipsius Alexandri fauorabiliter annuentes predictam possessionem Sag, cum omnibus suis vtilitatibus et pertinencijs ab eisdem reciatoribus auferentes, eisdemque pro ipsa ubi uoluerint similem in Regno nostro dare assumpmentes, eidem Alexandro dedimus et donauimus, ac per Symonem filium Vyda de Sancto Johanne statui fecimus in filios filiorum perpetuo possidendam, tenendam et habendam. Mete eciam ipsius possessionis, sicut nobis idem Symon sub testimonio Capituli Nitriensis exhibuit, hoc ordine distinguntur: Incipiendo in parte orientali in quoddam (így) monte a quadam meta circa uiam existente, que separat a Kelechent et Dychy, et descendendo de ipso monte in quodam valliculo transit quandam uiam ad quoddam mege, et per eundem et agros tendit ad uiam antiquam, quam transit in monte quodam; abinde descendit uersus uillam in quodam mege et agros circa arbores fructum (így) procedendo peruenit ad uillam, quam transit per latitudinem; abinde in parte meridionali tendit ad montem ad quandam viam, ubi in quodam mege est meta, circa quam in uallem quoddam (így) flectitur ad occasum, et peruenit transeundo circa arbores fructuum ad alliam (így) uiam, et transeundo per agros descendit per siluam, in qua est meta ad quandam vallem, in qua circa uiam est meta, ibique flectitur ad aquilonem in via predicta, que separat duas uillas Sag a Boymuch; et in eadem uia procedendo peruenit ad aliam uiam, et transeundo ipsam uicinatur Sag cum Dychy et Boymoch; abinde uicinando Dychy ascendit montem et transit uiam in ipso monte, que tendit per planiciem Regis Kyralmezey dictam; abinde in descensu cuiusdam monticuli tendit uersus uillam Dychy; abinde descendit ad uiam magnam, et per eandem procedendo reuertitur ad metam primam. Et ut presens nostra donacio robur obtineat perpetue firmitatis, presentes eidem Alexandro dedimus litteras dupplicy sigillo nostro sigillatas. Datum per manus discreti uiri Magistri Farkasij Prepositi Albensis dilecti et fidelis nostri anno Domini Mş CCş quinquagesimo sexto, quinto kalendas Septembris, Regni autem nostri anno vicesimo secundo.

(Eredetie bőrhártyán, melyről a király kettős pecsétjének töredéke vörös selyemzsinóron függ, a budai kir. kamarai levéltárban.)