A B C D

Uniuersum Capitulum Budensis Ecclesie omnibus Christi fidelibus presencium noticiam habituris salutem in Domino Jesu Christo. Vniuersorum noticie tam presencium quam posterorum harum serie uolumus peruenire; quod cum Petrus filius Hellynus de genere Zydov dotem sororis sue, nec non pecuniam cum eadem deportatam a suo genero nomine Compolch filio Compolch de genere Aba ordine iudiciario diu requisisset; tandem in nostri constitutus presencia proposuit uoce uiua, vt dictam dotem vna cum pecunia cum sua sorore deportatam Comiti Compolch memorato causa consanguinitatis penitus relaxasset; ita ut nec ipse, nec aliquis suorum cognatorum racione qualicunque interposita inposterum requirere ualeret. Vt igitur lapsu temporum relaxacio dotis prenotate nequeat in irritum reuocari, presentes litteras munimine nostri sigilli fecimus roborari. Anno Domini Mş CCş Lş quinto. Aron Cantore, Thoma tercio Custode, Matheo sacerdote Decano, Gurk, Hysce, et aliis Canonicis existentibus.

(Eredetie bőrhártyán, melynek függő pecsétje elveszett, a budai kir. kamarai levéltárban.)