Omodeus Dei gracia Episcopus Jeuriensis vninersis Christi fidelibus presentes litteras inspecturis salutem in salutis largitore. Vestra nouerit vniuersitas, quod cum a domino nostro Bela Dei gracia Illustri Rege Hungarie super reuocandis et restituendis terris, a castris videlicet alienatis, per totam nostram Dyocesym judex siue inquisitor essemus constitutus, inter cetera mandata eiusdem domini Rele Regis uiua uoce primitus, et postmodum in litteris suis recepimus speciale, ut terram Stephani et Petri tubicinariorum ipsius, Oblanch nomine, sitam in Comitatu Castri Ferrei, inspecta quantitate et qualitate eiusdem statueremus Georgio filio Olper, ac post eum suis heredibus, ex donacione Regia perpetuo possidendam. Verum nos mandatis ipsius domini Regis obtemperantes in hac parte, magistrum Vglinum Archidiaconum de Rabacuz dilectum et fidelem socium nostrum transmisimus super ipsam terram, qui ad nos rediens, sicut nobis dixit, conuocatis omnibus commetaneis, et constitutis in ea, ipsam terram diligenter inspectam ac fideliter mensuratam inuenit quatuor aratrorum usui sufficientem, et nouas metas iuxta veteres erexit in eadem, et sic nos ipsam terram supradicto Georgio mandato et auctoritate Regia statuimus sibi ac suis successoribus pacifice possidendam. Cuius mete hoc ordine distinguntur: Prima meta incipit ab occidente, vbi sunt tres mete iuxta magnam uiam, quarum una separat terram uille Mezlen, secunda terram Johance filij Salomonis, in tercia uero inchoatur eadem terra Oblanch; deinde per eandem uiam uadit uersus septemtrionem ad quendam locum, qui Megezorm nominatur, et ibi sunt due mete antique iuxta riuulum Oblanch, et per eundem riuulum uadit uersus orientem, et peruenit ad quandara uallem, que Ozyoblanch nominatur, et ibi sunt due mete; et per eandem uallem uadit uersus septemtrionem, et ibi sunt tres mete, quarum una separat terram Chepereg, altera terram castri Luchman; deinde uadit ad quandam arborem nomine ghumulchyn, ubi est meta; deinde uenit ad arborem pomi, ubi sunt due mete; deinde uenit ad quandam ylicem, ubi sunt due mete; deinde ad duas ylices, et ibi sunt mete; deinde descendit ad arborem, que dicitur nyr, et ibi sunt raete 5 deinde digreditur uersus meridiem ad metas antiquas, que distingunt filijs Demetrij et uille Cheykad; deinde uadit ad duas metas antiquas; deinde uenit ad riuulum Oblanch antedictum, et ibi in pomo sunt mete antique; deinde transiens eundem riuulum ascendit uersus meridiem ad metas antiquas, que sunt sub ylice distinguentes terram Achad et filiorum Demetrij; deinde uadit uersus occidentem ad unam magnam metam diuidentem terram Achad, Mezlen et Oblanch; deinde uadit ad unam metam antiquam distinguentem terram Mezlen et Oblanch; deinde uadit ad unam magnam metam, que distinguit terram Mezlen et Oblanch; deinde protenditur et uenit ad metas priores; et sic terminatur. In cuius rei memoriam presens scriptum contulimus sigilli nostri munimine roboratum. Datum in Sabaria in octauis, Purificacionis Beate Virginis anno Domini M. CC. quinquagesimo quinto.

(Eredetie bőrhártyán, a függő pecsétje már elveszett, a Meszléni közbirtosság levéltárában Vas vármegyében; közölte Tek. Ajkas Károly ügyvéd úr.)