Capitulum Ecclesie Posoniensis omnibus, ad quos littere presentes peruenerint salutem in uero salutari. Vniuersitati uestre tenore presencium significamus, quod Jacobus filius Voynus, Nicolaus filius Prus, jobagiones Castri, Hisci de Sarfev cum filijs suis Benedicto, Petro et File ab una parte, Stephanus filius Gregorij cognato (így) eorundem ab altera coram nobis constituti; idem Jacobus et Nicolaus asseruerunt, quod cum ipsi compositores super diuisione terre inter illos utraque parte uolente extitissent, talem inter ipsos fecissent composicionem; quod medietas tocius terre ipsorum hereditarie, videlicet in Sarfw, in Manar, et in Peschen existentes, cederet in ius Stephani filij Gregorij iure perpetuo possidenda, et insuper uiginti iugera terre in Sarfev ex parte Hisci, exceptis tantum viginti iugeribus terre, que Hisci dicitur iure emticio possidere; de quibus Hont et Johannes filij Monch eidem Hisci consencientes non contradixerunt. In cuius rei testimonium ad peticionem partis utriusque litteras nostras concessimus sigilli nostri municione roboratas. Datum in festo Bartolomei Apostoli anno gracie Mş CCş quinquagesimo quarto.

A B C D

(Eredetie bőrhártyán, melyről a káptalannak egészen ép pecsétje hártyazsinegen függ, a budai kir. kamarai levéltárban.)