257. IV. Incze pápának intézkedése, mely által az esztergami érseknek és káptalannak szabadalmát, hogy a római széknek különös engedelme nélkül ki által sem sujthatók, védelmezi. 1254.

Innocentius Episcopus seruus seruorum Dei dilectis filijs ... de Pelys ... et de Boccon Abbatibus Cysterciensis Ordinis, Vesprimiensis Dyocesis salutem et Apostolicam benedictionem. Apostolice Sedis benignitas sincere obsequencium uota fidelium fauore beniuolo prosequi consueuit, et personas illorum, quos in sua deuocione promptos inuenerit et feruentes, quibusdam titulis decentius decorare. Vt igitnr ex speciali deuotione, quam uenerabilis frater noster - - - - Archiepiscopus, et dilecti filij Capitulum Strigoniense ad nos et Romanam Ecclesiam habere noscuntur, sentiant sibi fauorem Apostolicum non modicum accreuisse; eis per nostras duximus litteras indulgendum, vt nullus Dolegatus vel Subdelegatus, Executor, aut etiam Conseruator, auctoritate Sedis Apostolice, uel Legatorum ipsius, in eos, uel Ecclesiam ipsorum excommunicationis, suspensionis, uel interdicti sententias promulgare, aut interdicere ipsis ingressum Ecclesie ualeat, absque speciali mandato Sedis eiusdem, faciente plenam et expressam de ingulgentia huiusmodi mentionem. Quoirca discretioni uestre pcr Apostolica scripta mandamus, quatenus dictos Archiepicopum, Capitulum et Ecclesiam non permittatis super hijs contra concessionis nostre tenorem ab aliquibus indebite molestare; molestatores huiusmodi per censuram ecclesiasticam, appellacione postposita, compescendo; non obstante, si aliquibus, quod excommunicari, suspendi, uel interdici, aut conueniri extra certa loca non valeant, a Sede Apostolica sit indultum, et constitutione de duabus dietis, edita in Concilio Generali. Datum Anagnie IV. nonas Octobris, Pontificatus nostri anno XII.

(Az eredeti után Knauz Nándor, Magyar Sion II. köt. 678. l.)