254. IV. Incze pápa aziránt intézkedik, hogy az esztergami érsek több szegnai kalmárnak bizonyos összeget fizessen. 1254.

Innocentius Episcopus seruus seruorum Dei dilecto filio ... Archidiacono Bononiensi salutem et Apostolicam benedictionem. Cum, sicut dilecti filii Bonifacius Bonsignoris, Albizus Deuteaiute, Bencivendi Johannis et Bonaventura Recuperi (et alii) eorum socii, ciues et mercatores Senenses nobis exponere curaverunt, iidem dilectis filijs Magistris Petro Preposito Ecclesie Chasmensis Zagrabiensis Diocesis, Octomaro Archidiacono Neogradiensi, et Raynaldo Plebano Ecclesie de Bana Strigoniensis Diocesis, procuratoribus venerabilis fratris nostri ... Archiepiscopi Strigoniensis renunciantibus constitutioni cle duabus dietis edite in Concilio Generali, beneficio restitutionis in integrum, conventionis judicum, et omnibus litteris et indulgentiis Apostolicis impetratis et impetrandis, prout de hoc et mutuo contrahendo usque ad infrascriptam summam plenam habebant per nostras litteras facultatem, tria millia et quingentas marcas argenti puri et fini ad pondus Ungarie apud Sedem Apostolicam pro expediendis ipsius Archiepiscopi et Ecclesie mutuarint, certis loco et terminis ipsis mercatoribus persoluendas, prout in publico instrumento confecto exinde plenius continetur; mandamus quatenus, si predictus Archiepiscopus et successores ipsius in statutis loco et terminis iuxta predicti tenorem instrumenti, ita quod nulla alia probatio vel certitudo super huiusmodi debito exigatur, mercatoribus ipsis, quibus nolumus pretextu alicuius constitutionis canonice vel civilis, aut cuiuscumque privilegii vel indulgentie, de quibus in nostris litteris plene et expresse, ne de verbo ad verbum oporteat fieri mentionem, incumbere, quod de predicta pecunia in utilitatem ipsius Ecclesie sit conversa, de pecunia non satisfecerint memorata, ut extunc in dictum Archiepiscopum vel successorem suum, qui pro tempore fuerit, auctoritate nostra, monitione premissa sublato appellationis obstaculo, non differas promulgare, ac ipsos excommunicatos tandiu publice nunties, et facias per alios in locis, ubi expedire videris, nuntiari diebus dominicis et festivis, pulsatis campanis et candelis accensis, donec prefatis mercatoribus de predicta pecunia cum iustis et moderatis expensis, interesse, ac debita restauratione dampnorum, super quibus simplici verbo ipsorum mercatorum vel cuiusuis eorum eine sacramento et aliqua alia probatione dicti Archiepiscopus et successores credere teneantur, usuris omnino cessantibus, fuerit satisfactum. Si vero idem Archiepiscopus in huiusmodi excommunicatione per duos menses steterit, ab administratione spiritualium et temporalium suspendas eundem, prefixo ei nichilominus peremptorio termino competenti, quo personaliter nostro se conspectui representet pro merilis recepturus. Non obstante constitutione predicta, vel si dictus Archiepiscopus ex indulto Apostolico habeat, vel sibi aut eius successoribus contigerit indulgeri, quod excommunicari, suspendi vel interdici non possint, seu extra suam provinciam ad iudicium evocari per litteras Apostolicas, in quibus de indulto huiusmodi expressa de verbo ad verbum mentio non habetur, seu qualibet dicte Sedis indulgentia impetrata, vel etiam impetranda, per quam hoc impediri valeat vel differri. Datum Laterani III. nonas Martii, Pontificatus nostri anno undecimo.

(Theiner, Vetera Monumenta Slavorum Meridionalum I. köt. 81. l.)

>