217. Vanchai István esztergami érsek bizonyos fekvőségeket, melyek György nagyszombati lakos után neki oda itéltettek, az esztergami káptalannak adományozza. 1250.

Stephanus Dei gracia Strigoniensis Archiepiscopus omnibus presentes litteras inspecturis salutem in salutis largitore. Ad vniuersorum noticiam tenore presencium uolumus peruenire, quod cum Georgius de Tyrna in iudicio villici ceterorumque judicum de eadem Tyrna nobis in triginta et sex marcis argenti debitor remansisset, et pluribus sibi terminis ad solucionem assignatis, non haberet, unde ipsam summam pecunie persolueret, et dicti villicus et judices curiam, domos, agros et alias possessiones, quas idem Georgius habuit in Tyrna, pro antedicto debito nobis instituissent; nos easdem curiam, domos, agros et alias possessiones pleno iure, sicut nobis fuerant institute, Diuine intuitu pietatis, et ob remedium anime patris mei, qui in ecclesie Beati Adalberti atrio requiescit, Capitulo Strigoniensi contulimus perpetuo possidendas. Et ut hec collacio perpetue firmitatis robur obtineet, presentem paginam concessimus Capitulo supradicto, sigilli nostri munimine roboratam. Datum anno Domini Mş CCş quinquagesimo.

(Az eredeti után Knauz, Magyar Sion II. köt. 995. l.)