188. IV. Incze pápa Raguza várost inti, hogy az antivariakkal békére lépjen. 1248.

Innocentius Episcopus seruus seruorum Dei dilectis filiis Comiti et aliis nobilibus et populo Aragusiensi salutem et Apostolicam benedictionem. Procurante paci contrario inter vos ex parte una, et cives Antivarenses ex altera, gravis discordia, ut accepimus, est exorta. Cum igitur tam iis qui longe, duam iis qui prope sunt, pacem omnimode affectemus, Uniuersitatem vestram rogandam in Domino duximus attentius et monendam, per Apostolica vobis scripta mandantes, quatenus pro nostra et Apostolicae Sedis reverentia a praedictorum civium molestia et iniuria desistentes, pacem cum eis et veram concordiam habeatis, ut unum inter vos de cetero charitatis sit vinculum, quos seiunxit hactenus discordiae seminator. Datum Lugduni V. kalendas Septembris, Pontificatus nostri anno sexto.

(Farlati, Illyricum Sacrum VI. köt. 101. l.)