180. IV. Béla királynak Liptómegyében fekvő bizonyos birtokrészt tárgyazó adománya Bosin és fiai számára. 1248.

Bela Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanieque Rex in perpetuum. Omnibus Christi fidelibus tam presentibus quam futuris presentem paginam inspecturis salutem et omne bonum. Ad vniuersorum noticiam volumus peruenire, quod populi de Liptou, Bosin, cum filijs suis Sevislau, Punak, Milath, Bohuta et Bohuret ad nostram accedentes personaliter presencium nobis (így) instantissime rogauerunt: ut cum quedam terra inter villas Wrbicha et Okolichna existens, ad vsum trium aratrorum a nobis potuisset eisdem condonari, dictam terram dare et conferre sibi dignaremur. Vnde cum fidelium nostrorum peticiones admittere teneamur, predictam terram ad tria aratra sufficientem prefato Bosin cum filijs suis et eorum heredibus heredumque successoribus - - Miko de Zolum nostris dedimus litteris irr mandatis, ut idem ipsum terram complendo de qualitate et quantitate trium aratrorum, cum omnibus suis vtilitatibus certis metis vndique distinctam, staureret Bosin cum filijs suis sine juris preiudicio aliorum; contradictores vero, si qui fuerint, ad nostram citet presenciam ad terminum competentem, et hanc qualitatem et quantitatem ipsius terre, ac cursus metarum nobis per suas litteras remandaret. In quibus conspeximus taliter contineri: Prima meta terre incipit a fluuio Wagh, Chemec fluuius ubi intrat ex altera parte fluuij Wagh, contra ex ista parte stant tres arbores salicis quasi in insula venarum aque ejusdem; inde exit et procedit directe per campum ad fluuium Verbiche ad septemtrionem, vbi a Zelesrew parumper superius ex ista parte aque sunt due salicis arbores; inde procedit directe et ascendit in montem ad arborem pomiferam in campo sub vertice montis, sub quo est - - - Chewisie posita cum duabus auribus, et cooperta cum patina ferrea; deinde procedit directe 259quasi circumeundo modicum per vnum nerharsthalto; inde iuste tenendo ad metas Comitis Boghumirij semper ad septemtrionem tendit ibidem, vbi separantur mete ab inuicem, et intrant fluuium Werbiche ad orientem solis; deinde procedit infra per ipsum Werbiche contra meridiem, et inde iterato uenit ad vnam arborem salicis, in qua fixa est clauis et sex clauiculi ferrei; inde pertransit fluuium Werbiche et tendit recto modo ad fluuium Wagh, vbi est pons Bosin, in fine pontis stat arbor salicis, in qua fixi sunt clauiculi Bobatis; inde descendit per fluuium Wagh ad priores metas, et ibi terminatur. Nos vero inspectis seruicijs predictorum, que nobis - - - - - - imperciendo exhibuerunt, que enarrare non sufficimus, inquirendo et debellando ferocissimos Tartaros crudeli periculo mortis se ipsos opponentes, nec non ob merita seruiciorum, de consilio et - - - - Regni nostri nobilium et Baronum, de benignitate Regia hanc graciam eisdem duximus conferendam in possessione collata, rogando et mandando fideli nostro, primo principaliter Comiti de Zolom in secula seculorum succedentibus pro ipsis et cum ipsis, vt eosdem protegat et gubernet in temporalibus preter seruicia Regia et Comitis de Zolom; item ab omni negocio prouincialium excepto, preter negocium Comitis de Zolom; nec non ab omnibus exaccionibus et collectis preter Comitis supradicti. Volumus et hanc libertatem eisdem alleuiare, quod nullius presencie compareant vel citentur, preter Regiam Presenciam et Comitis de Zolom, imo si inducias causarum voluerint differe, biennium vel triennium licite eisdem debeant prorogare, saluo iure Comitis de Zolom. Volens adhuc idem Bosin scripta sua magis in lucem proferre, filios suos Curie Regie commendauit. In cuius rei memoriam et robur perpetue stabilitatis presentes litteras nostras concessimus duplicis sigilli nostri munimine roboratas. Datum per manus dilecti et fidelis Venerabilis Benedicti Archiepiscopi Colocensis (így) aule nostre Cancellarij anno Domini millesim oducentesimo quadragesimo octauo.

(Az Okolicsányi család levéltárából.)