171. A pécsi káptalannak bizonyságlevele, hogy Izsépi Cel Nána körüli szigetének felső részét, és Izsép nevű földjének negyedrészét az esztergami káptalannak eladta. 1247.

Farcasius Quinqueecclesiensis Prepositus totumque eiusdem loci Capitulum omnibus presens scriptum cernentibus, salutem in Domino. Nostri constitutus in presencia Cel filius Cel de villa Ysep nomine ex vna parte, presentibus ibidem Magistro Abraam Archidiacono de Ghumur, et domino Petro sacerdote, Canonicis et procuratoribus Sancte Strigoniensis Ecclesie ex alia; confessus est, quod ipse superiorem insule medietatem cum quarta parte terre nomine Ysep, certis metis in presencia parcium limitate, tam citra Danubium quam ultra directe procedendo, a capite eiusdem insule per Danubium, usque ad ueterem 247Danubium, quod Scharduna wlgariter nominatur; cuius insule inferiorem medietatem iam dictum possidebat Capitulum, eidem Capitulo uendidit quinque marcis de argento, nostra in presencia persolutis. Ita uidelicet, quod populi in terra memorata citra Danubium commorantes, eundi, necnon ducendi sua animalia per terram ipsius Cel usque ad aquam Donolc causa adaquandi, uel cuiuscunque negocij, liberum habebunt transitum. Preterea quartam partem eiusdem aque Donolc debet ipsum Capitulum claudere, et Cel alias tres; et quartam partem Capitulum habebit de pisscibus ibi captis, tribus alijs partibus ipsi Cel remanentibus. Hoc insuper annotando, quod aquam Danubij, sicut terra ipsius Cel eundem occupat, a meta sepedicti Capituli superius procedendo, ipse Cel cum procuratore Capituli locare debet annuatim, et de emolumento tres habere partes, quarta ipsi Capitulo remanente. Nos autem ad precum utriusque partis instanciam litteras presentes nostri sigilli appensione roboratas conscribi fecimus, in supradicte uendicionis testimonium et munimen. Anno Domini Mş CCş XLş VIIş mense Aprili. Yurkone Cantore, Theodoro Custode, Arnoldino Decano, ceterisque quampluribus ibidem existentibus. Datum per manus Petri Magistri Lectoris Quinqueecclesiensis.

(Az eredeti után Knauz Nándor, Magyar Sion II. köt. 528. l.)