158. IV. Incze pápa Daniel Galiczia királyának megengedi, hogy az ottani püspökök és áldozárok azon egyházi szertartásokat megtarthassák, melyek a katholikus egyházzal nem ellenkeznek. 1247.

Innocentius Episcopus seruus seruorum Dei dilecto filio Danieli, Regi Russie Illustri salutem et Apostolicam benedictionem. 233Cum te de cetero specialem inter devotos Ecclesie reputemus, petitiones tuas, quantum cum Deo possumus, libenter ad gratiam exauditionis admittimus, et votis tuis favorem benivolum impertimur. Eapropter, carissime in Christo fili, tuis supplicationibus inclinati, Episcopis et aliis presbyteris de Russia, ut liceat eis more suo ex fermentato conficere, et alios eorum ritus, qui fidei catholice, quam Ecclesia Romana tenet, non obviant, observare, auctoritate presentium indulgemus. Nulli ergo omnino hominum liceat hanc paginam nostre concessionis et indultus infringere, vel ei ausu temerario contraire. Si quis autem hoc attemptare presumpserit indignationem. Omnipotentis Dei, et Beatorum Petri et Pauli Apostolorum ejus se noverit ineursurum. Datum Lugduni VI. kalendas Septembris, Pontificatus nostri anno quinto.

(Turgenev Monumenta Hist. Russiae I. köt. 61. l.)