Nos Capitulum Ecclesie Beati Michaelis de Castro Ferreo omnibus notum facimus, quod Dyonisio, filio Potacha, in expedicione Tartarorum mortuo, expeditaque terra sua per Isou generum suam factis duodecim marcarum expensis, contra Martinum magistrum, qui terram eandem contra carentem herede a domino Rege pacierat; cum predictus Isou super restitucione expensarum et vxoris sue quarta, et Johannes frater domine Margarete vxoris Dyonisi de dote et sponsalibus sororis sue a priore marito secum adductis, quinquaginta marcis conpensatis, et vigintiquinque marcis a Dyonisio sibi in dote cedentibus causarentur; Balduinus Comes Castri Ferrei, qui tuendorum nepotum predicti Dyonisi a domino Rege mandatum acceperat, conuocatis nepotibus Dyonisi, scilicet Chepano, Dyonisio, Ladislao, Paulo, Lorando et Nicolao, et de generacione eorum Bartholomeo filio Moym, et de cognacione corundem Triduru Comite, et Achyleo, et de generacione et cognacione ipsorum ceteris omnibus, et de Capitulo nostro maioribus, Roberto Cantore, et Micou Custode de consensu omnium nostrum et de presencia probys viris quam pluribus, hanc de terra predicti Dyonisi inter successores eius, ad beneplacitum et assensum cunctorum, quos prenominauimus, ordinauit composicionem: Quod prenominati nepotes Dyonisi pro expensis et quarta hereditatis, et utriusque dotibus et sponsalibus antedictis, dederunt Isou et socrui sue terciam partem terre Dyonisi in Oloska, et curiam eius in tercia parte, et domos, ac edificia, et ortum pomorum, et medietatem vinee eius versus vineam Vysungwd, et quinque mancipia, scilicet Badul cum duobus filijs suis et sorore, et filia sororis sue, omnia sine contradiccione perpetuo possidenda. Et est tercia pars, que cedit Isou et socrui sue, in vna porcione, que est 184uersus meridiem adiacens curie pretaxate, superius autem uersus orientem tam in silua quam in prato partis Dyonisi, Isou et socrus sua terciam habent ubique et in omnibus porcionem. Vt igitur hec composicio consentanea rata sit in perpetuum, presens scriptum contulimus sigilli nostri federe communitum; Paulo existente nostro Preposito, Roberto Cantore, Mikow Custode, Gregorio Decano; anno Domini MşCCşXLş quarto.
(A győri káptalannak 1309-ki átirata után a szombathelyi káptalan levéltárában.)