111. IV. Béla királynak Buda város jogosítványait tárgyazó 1244-ki privilegiumára érdekes hivatkozás.

Nos Mathias Dei gracia Rex hungarie, Bohemie etc. memorie commendamus per presentes, quod cum in causa, que inter honorabile Capitulum Ecclesie Waradiensis ex vna, ac inter fideles nostros circumspectos viros Judices et Juratos ceterosque vniuersos incolas et mercatores Liberarum Ciuitatum nostrarum Regalium Parcium Transsiluanarum ex altera partibus, juxta continenciam aliarum litterarum nostrarum prorogatoriarum in facto solucionis tributi sew fori nundinalis in vico episcopali Wadkerth in ciuitate Waradiensi in carnispriuio celebrandi exigi solito coram nostra Personali Presencia vertebatur, feria tercia proxima post festum Natiuitatis Beate Marie Virginis, ad quod scilicet festum causa pretacta prorogata extiterat, per fideles nostros circumspectos Judicem et Juratos ciues Ciuitatis nostre Budensis, qui seipsos, in eorum ac vniuersorum conciuium ipsorum personis, cause huiusmodi intromittendo, quedam littere priuilegiales olim domini Bele 173Regis sub proprio dupplici sigillo eiusdem anno ab Incarnacione Domini millesimo ducentesimo quadragesimo quarto, Regni autem sui anno nono, octauo kalendas Decembris super nonnulis ipsorum libertatibus et prerogatiuis litteris in eisdeni contentis emanate, in judicio coram nostra Personali Presencia exhibite fuissent: mox Gregorius de Keraly in personis religiosarum dominarum sanctimonialium in claustro Beate Marie Virginis de Veteri Buda degencium, in eandem nostram Personalem exurgendo Presenciam, quosdam tres articulos, factam scilicet tributi et cibrionum, nec non domorum in eadem ciuitate nostri tenencium et habencium tangentes, in eisdem litteris specificatos, eo quod ijdem tres articuli eciam dictas dominas sanctimoniales certis ex causis concernerent, prefatis dominabus per nos dari supplicauit. Quorum quidem trium articolorum, quos idem olim Bela Rex eisdem ciuibus nostris Budensibus contulit, primus is est: „Item infra limites Regni nostri ab omni tributo, salua tricesima, et saluo jure Ecclesie Budensis, quantum ad tributa de salibus exigenda, sunt exempti”; secundus vero articulos ita continetur: „Item de vineis eorundem cibriones nullatenus exigantur; tercius siquidem articulus hoc modo habetur: „Item nullus hospes ex ipsis possessiones suas uel domos vendere valeat alicui extraneo, nisi in eadem villa volenti amodo habitare; item quicunque ex ipsis sine herede decesserit, possessiones suas dimittendi facultatem habeat, cui volet; item quicunque ex eis possessiones emerit, si per annum et diem nullus ipsum super hoc impecierit, de cetero eas sine contradiceione aliqua possideat pacifice et quiete.” Vnde nos supplicacionem dicti Gregorij de Keraly justam et juri condiguam fore agnoscentes, articulos pretactos in dictis litteris predicti olim domini Bele Regis modo antelato conseriptos, sine diminucione et augmento aliquali de verbo ad verbum presentibus litteris nostris patentibus transscribi et transsumpmi faciendo, prelibatis dominabus sanctimonialibus duximus concedendos communi justicia requirente. Datum Bude predicto secundo die termini prenotati, anno Domini millesimo quadringentesimo septuagesimo sexto. Lecta Dj.

(Eredetie papiron, a királynak birói pecsétje alatt, a budai kir. kamarai levéltárban.)