Universum Albensis Ecclesie Capitulum omnibus Christi fidelibus presentes litteras inspecturis salutem in Domino. Noscant presentes et posteri, quod accedens ad nos Paulus filius Tarka, dixit se vendidisse tria mancipia sua, quorum nomina Chvna, Michael et Huswet, cum duobus filijs eiusdem Chvne, preter uxores eorum, que libere sunt, Magistro Constantino Concanonico nostro pro sex marcis argenti; et confessus est, ipsam pecuniam totaliter recepisse. Obligando se et suos successores firmiter, quod si aliqua racione super seruitute predictorum, vnius scilicet vel plurium, vel alio quocunque modo Magister predictus impeteretur; idem Paulus defendet eum labore proprio et expensa. Actum anno Domini millesimo CCş XLş tercio. Magistro Benedicto Ecclesie Preposito, aule Regie Cancellario; Jacobo Cantore, Gallo Custode, Marco Decano existentibus.

(IV. Béla királynak ugyanazon megerősítő okmányából.)