081. A győri káptalan bizonyságlevele, hogy Keeri Simon egyházasurkuni birtokát 7 ezüst giráért Gyorui Bálintnak eladja. 1241.

Capitulum Jauriensis Ecclesie uniuersis Christi fidelibus, ad quos presens scriptum peruenerit salutem in salutis largitore. Ad vniuersorum noticiam tenore presencium uolumus peruenire, quod Symone de uilla Keer ex una parte, Valentino de uilla Gyorou ex altera in nostri presencia constitutis, idem Symon coram nobis est confessus, quod terram suam hereditariam, quam in uilla Eghazasurkun continebat, a terra suorum cognatorum pacifice separatam, dicto Valentino pro septem marcis argenti uendidisset, quas confessus est se plenarie recepisse. Ne igitur dictus Valentinus uel ipsius heredes super dicta terra per aliquem processu temporum possint molestari, ad peticionem predicti Symonis et eciam Valentini presentes concessimus litteras sigilli nostri impressione roboratas. Anno ab Incarnacione Domini Mş ducentesimo XLş primo; Magistiro Chepano Preposito Ecclesie nostre, Vyruncone Archidiacono Jauriensi, Sixto Cantore, Thoma Custode, Mikou Decano existentibus.

(A győri káptalan 1289-ki átiratában, melynek eredetie a Rumy család levéltárában, másolata a magyar akadémia kézirati gyűjteményében őriztetik.)