Gregorius Episcopus seruus seruorum Dei dilecto filio Johanni de Civitella Subdiacono et Capellano nostro, salutem et Apostolicam benedictionem. Cum tibi duxerimus iniungendum, ut contra Fridericum dictum Imperatorem, perditionis filium, in Ungarie Regno verbum crucis proponeres, et nonnulli in dicto Regno in terre Sancte subsidium susceperint signum crucis, ex quo impedimentum non modicum tuo proposito generatur; nos attendentes, quod tanto salubrius est Apostolice Sedi in hoc necessitatis articulo subvenire, quanto ipsa mater et caput fidei in gravius christiani nominis periculum impugnatur, devocioni tue, ut vota crucesignatorum ipsorum in defensionem Ecclesie contra Fridericum eundem, si eorum ad id consensus accesserit, commutare valeas, ac ipsis et reliquis redimentibus vota sua, dummodo expensas, quas facturi essent eundo in terram predictam, morando inibi et exinde redeundo, in manibus tuis et dilecti filii ... Abbatis de Pelis Cisterciensis Ordinis, et Benedicti Canonici Strigouieusis assignent, in defensionem huiusmodi transmittendas, illam possis indulgere veniam peccatorum, que predicte terre succurrentibus in Generali Concilio est concessa, liberam auctoritate presencium concedimus facultatem. Datum Laterani II. idus Februarii (Pontificatus nostri) anno XIII.

(Theinor id. m. I. köt. 179. l.)