Bela Dei gracia Hungarie, Dalmacie, Chroacie, Rame, Seruie, Gallicie, Lodomerie Cumanieque Rex omnibus Christi fidelibus presentem paginam inspecturis salutem et omne bonum. Cum incomprehensibilis Diuine disposicionis altitudo ad hoc gladium Regibus concesserit, ut malefactoribus uindicta, laus uero bonis iusta per eum distribucione reddatur, suadet racio et iuris rigor exigit, ut nec malefactorum peruersitas transeat inpunita, nec bene meriti suis stipendiis defraudentur. Hinc est, quod ad noticiam uniuersorum harum tenore uolumus perueuire, quod cum Jula Banus quondam de genere Kean, pro manifesto infidelitatis crimine per nostram, nec non karissimi fratris nostri Colomani Regis et Ducis tocius Sclauonie Illustris, hac omnium Baronum nostrorum sentenciam fuisset condempnatus, ac uniuersa ipsius bona ad nostram manum fuissent deuoluta, ipso suam uitam in nostris uinculis finiente; nos quandam ipsius possessionem nomine Turduna cum omnibus pertinencijs suis in Comitatu de Bursod constitutam, Nicolao Comiti de Gumur filio Gurg ob merita sue fidelitatis et seruicij duximus perpetuo conferendam. Nam idem Nicolaus inter cetera uirtutum merita, quibus nostram graciam ad plenum optinuit, in Regno et extra Regnum pacis et belli tempore nobis fideliter assistendo, in hoc specialiter claruit, quod dum in expedicione Ruscie essemus constituti, et bellorum cuneus esset hinc inde in conflictum accinctus, ipse in aduersam aciem uiriliter irruens multos in ore gladij neci tradidit, et innumeros captiuauit sui tamen sanguinis effusionem non modicam sustinendo. Quantas eciam probitatis acciones in alijs idem exercuerit, tempus pocius quam res deseret enarrantem. Ne igitur tam eximie fidelitatis constancia irrernunerata remaneat, licet premium merito non respondeat ex condigno, tanquam omnem affluenciam temporalem transscendenti, possessionem supradictum sibi et suis per ipsum heredibus heredumque successoribus eontulimus; ut est supradictum. Postmodum autem cum idem in corporalem possessionem foret introductus, iobagiones Castri de Borsod de uilla Dedus, Zadur uidelicet, Petrus, Ysip, Abraham et alij de generacione ipsorum eundem Comitem Nicolaum traxerunt in causam dicentes, quod supradictus Jula Banus possessionem memoratam, ad ipsos iure hereditario pertinentem, uiolenter occupasset. Licet autem diucius ipsa causa coram nobis fuisset uentilata; tandem iobagionibus iam dictis in sua intencione omnino deficientibus, de Baronum nostrorum consilio ipsam possessionem sepius dicto Nicolao Comiti sentencialiter adiudicauimus iure perpetuo possidendam. Quam sibi per fidelem nostrum Kunam de uilla Holog sub testimonio dilectorum nobis Capituli Agriensis certis undiqne metis limitatam fecimus assignari. Mete autem, sicut per antedictum hominem nostrum, nec non per litteras Capituli memorati nobis constitit, hoc ordine distinguntur. Prima meta incipit iuxta Turduna potoka, ubi posite sunt tres mete, vna meta, que a parte aquilonari cortinetur, excipit metam terre castrensium de Borsod et uillam Turduna nominatam, due uero mete, que ab australi parte continentur, excipiunt terram Nicolai Comitis; inde tendit in altum iuxta Rithonich potoka, et transit illud potok in dextram partem in latere unius montis, et ibi sunt due mete, vna eligit terram Comitis Nicolai, in qua est una quercus, et alia castrensium, in qna est alia arbor, que uulgariter mogol uocatur; deinde descendit ad Lypouch potoka, et iuxta unam uiam sunt due mete, vna eligit terram Comitis Nicolai, alia castrensium, et uadit iuxta illud potok in altum, et in capite illius potok sunt octo mete, que sunt mete capitales, vna castrensium, et alia Felc, tercia iobagionum castri de Dedus, quarta uero eiusdem Nicolai Comitis; inde progrediens in medio berch, vnde fluit fluuius in utramque terram, et uadit in altum in siluam magnam, et iuxta Kamunuska potoka sunt due mete iobagionum Castri et Comitis Nicolai, et interim multe alie mete noue et ueteres ab utrisque partibus sunt inposite; inde ascendit in siluam in capite Kamunusna potoka, ubi sunt due mete iobagionum Castri et Comitis Nicolai, et illic prope ad heremitas sub uno vimine sunt quatuor mete, ubi discernitur a iobagionihus Castri, et a deserta silua Castri; et inde progrediens uadit ad partes orientales super unum berch, in quo uadit vna callis, et ex utraque parte callis sunt in arboribus ab utraque parte signa inposita; et descendit de monte Oztro, et ibi sunt tres mete, due Comitis Nicolai, et una Castri; inde progrediens descendit in caput putei Bagun, ubi signatum est super una arbore, que byk uocatur signum clipei Jule Bani, in Hasfeu eligitur terra Castri, et Andree Comitis, et Nicolai; inde progrediendo a Comite Andrea venit ad Bathakue; inde progrediendo iuxta viam sunt quatuor mete Andree Comitis et Nicolai; inde peruenit sub unam quercum, ubi sunt tres mete Andree et Nicolai Comitis; inde uadit in Medwefeu, ubi sunt quatuor mete Andree et Nicolai Comitis; inde peruenit in Zelushasfeu, ubi sunt quatuor mete Andree et Nicolai Comitis; in capite Holboca potoka sunt tres mete Andree Comitis et Nicolai; deinde separatur a terra Andree Comitis, et iuxta Holboca potoka adheret mete terre iobagionum Castri, ubi sunt due mete, una Comitis Nicolai, altera iobagionum Castri; inde descendit in una calle, et iuxta dumum viminis sunt due mete, vna Nicolai Comitis, altera iobagionum Castri; inde tendit et uadit iuxta Holboca, et iuxta unam callem sunt due mete, et illic separat terram Cantlo; deinde Holboca cadit in Lubna, et Liscopotoca cadit in eandem Lubna; et incipiens cum metis duplicatis uadit iuxta Lisco, et peruenit ad caput Lisco, et ibi sunt due mete, et ibi diuidit metas cum castrensibus de uilla Cozonch; inde tendit ad occidentem, et uenit super unum bercb iuxta Turduna potoca, et ibi sunt tres mete, vna castrensium, due Comitis Nicolai: inde tendens peruenit super idem berch ad Rednich potoca cum metis nouis et ueteribus inpositis, et ibi terminatur. Vt igitur huius nostre donacionis series perpetue stabilitatis robur obtineat, nec possit successu temporum per quempiam retractari, presentes eidem litteras nostras duximus concedendas duplicis sigilli nostri munimine perhemniter roboratas. Datum in Zolum per manus Magistri Benedicti Prepositi Albensis aule nostre Cancellarij, secundo Idus Augusti, Regni autem nostri anno quinto.
(Eredetie bőrhártyán, melyről a király kettős pecsétjének töredéke a fejér-piros selyemzsinóron függ a budai kir. kamarai levéltárban.)