Arnoldus Comes de Zala omnibus Christi fidelibus presens scriptum inspecturis salutem in salutis largitore. Ad uniuersorum Sancte Matris Ecclesie filiorum uolumus peruenire noticiam, quod Opoy Banus tocius Sclauonie causam, que uertebatur inter Magistrum Michaelem fratrem Buzad Bani ex una parte super destruccione predij siti inter duos fluuios Droaha uidelicet et Zurathka nomine Wyzmeth, et Egyvtkw Welchyk, Othok ac cognatorum eorundem ex altera, nostre transmisit sentencie iudicandam, ordinandam et paci reformandam. Nos igitur uolentes causam terre inprimis exquirere, ad terrarn supradictam accessimus, descensum facientes in domo Petruzlov, conuocatis omnibus commetaneis et parrochianis, et omnibus alijs uiris ydoneis et nobilibus circumadiacentibus, uoluimus causam supradictam iudicare, interrogantes Magistrum Michaelem, qualiter terram supradictam possedisset. Qui dixit, se iure empcionis possessionem memoratam possedisse; et super hoc litteras priuilegiales Illustrissimi B. Dei gracia Regis Hungarie, et Capituli Wesprimiensis, nec non et Episcopi eiusdem loci venerabilis patris exhibuit; quas nos in presencia omnium ibi existencium, et in presencia Egyvtkv ac cognatorum eiusdem, et in presencia pristaldi Excellentessimi C. Regis, Ducis tocius Sclauonie, nomine Alberti de villa Sancti Georgij pro eo, quo dictus E. et cognati sui terram ipsorum in illa terra per Magistrum Michaelem uiolenter receptam esse dicebant, uerbo ad uerbum fecimus perlegi; quas cum omnis multitudo una cum ipsis E. uidelicet et cognatis eius audiuisset, interrogauimus eosdem, si Magister iuste et legitime illam terram possedisset, et priuilegia perlecta essent iuste et legitime collata. Qui in nullo priuilegijs supradictis contradixerunt, sed possessionem terre supradicte Magistro Michaeli pacifice possidendam remiserunt; ita ut de cetero non ipsi, nec ipsorum heredes, heredvmque suorum successores possent uel deberent iterato cum Magistro Michaele uel suis successoribus causari. Postea uero cum terra iustificata esset Magistro Michaeli, ex consensu et peticione utriusque partis super destruccione predij eiusdem M. Magistri, ordine iudiciario pro bono pacis talem fecimus composicionem; quod dictus Egyvtkv, exceptis cognatis suis, quia predium Magistri M. destruxerat, pro captiuacione trium hominum dicto Magistro M. solueret centum et decem pensas frisaticorum; item decem et sex boues; preterea tres equos in octauis Sancti Michaelis; ita tamen, ut medietatem pecunie supradicte solueret in dominico post octauas Sancti Regis, medietatem uero in octauis Sancti Michaelis; item si unus ex collateralibus suis et seruiens suus nomine Levka super uiginti quinque bobus et triginta duobus pecudibus, et ducentis ac quinquaginta capecijs frugum sacramentum prestare presumpserit; hec omnia dictus E. debet restituere; item idem E. cum duodecim hominibus consimilibus sui, nudis pedihus, gladijsque euaginatis in manibus eorum positis, debet supplicare pretaxato M. Magistro et excessus suos luere; iudici autem et pristaldo idem E. tenetur respondere tali eciam pacto inter partes interposito; quod si quis ipsorum de pace reformata resiliret, omnino pro conuicto haberetur. Vt igitur hoc ratum et firmum perseueret imposterum, idem M. Magistro litteras nostras concessimus sigilli nostri munimine roboratas; anno gracie Mş CCş XXXş nono.
(Eredetie bőrhártyán Arnold főispán függő pecséte alatt: a budai kir. kamarai levéltárban.)