047. IV. Béla király Vizmich birtoknak a veszprémi püspöktől Mihály comes számára történt eladását helyben hagyja. 1239.

(B)ela Dei gracia Hungarie, Dalmacie, Croacie, Rame, Seruie, Galicie, Lodomerie Cumanieque Rex omnibus Christi fidelibus presentem paginam inspecturis salutem et omne bonum. Dignum est et racioni consentaneum, ut ea, que legitime et honeste inter quoslibet ordinantur, ne a memoria posteritatis iteracione recidiua in confusionem relabantur, litterarum patrocinio commendentur, que rebus gestis fidem seruant efficacem. Eapropter ad uniuersorum noticiam uolumus peruenire, quod cum Ecclesia Vesprimiensis quandam terram Vyzmich possideret, sitam inter Drauam et Zaratka fluuios, sicut per venerabilem patrem eiusdem loci Episcopum intelleximus, adeo remotam, ut uix aut numquam prouentus aliquos percipere possit ex eadem; idem Episcopus, ut terram memoratam in maiorem ipsius Ecclesie utilitatem conuerteret, impetrata a nobis licencia tamquam a patrono, cum consensu sui Capituli et iobagionum Ecclesie sue, sicut nobis idem intimauit, dilecto et fideli nostro Michaeli fratri Buzad, Magistro Dapiferorum domine Regine karissime coniugis nostre, uendicioni exposuit pro centum marcis argenti; quam pecunie summam, sicut dictus Episcopus per suas nobis litteras ueraciter demandauit, plene recepit et perfecte. Et sic terra prenominata in usum et iurisdiccionem supradicti Magistri M. perhenniter est conuersa. Cuius mete, sicut in ipsius Episcopi litteris contineri perspeximus, hoc ordine distinguntur: Prima meta incipit a parte orientali iuxta aquam Zaratka, ubi est meta terrea, et ultra eandem aquam in parte australi commetaneus est Cazmuta cum generacione sua; et inde uadit uersus meridiem, et inde parum eundo est meta terrea; deinde uadit per eundem campum ad quemdam monticulum, et ibi est meta terrea, ubi in parte orientali commetaneus est Otok filius Nanadei; et inde uadit ad quamdam uallem uersus meridiem, ubi sunt salices, et ibi est meta sub salice; deinde uadit ad arborem, qui uulgo dicitur ieguna, et ibi est meta; deinde uadit ad stagnum quoddam, quod egreditur de Draua, et in illo loco, ubi aqua Strug cadit in ipsum stagnum est meta terrea; et inde per nemora ducit ad Drava, et ibi in parte orientali commetaneus est Wlchuk; et inde uadit ad partem occidentalem per medietatem aque Draue, sicut solet fieri ultra Drauam, ubi commetaneus est Ladizlauus, super terra Helie filij Laurencij cum generacione sua, et omnes insule pertinent ad Comitem Michaelem; et inde per Drauam protenditur ad magnum portum Vorosdiensem, qui est in terra Magistri Michaelis, et commetanei sunt Lodomer, Marcus et Vytik; item per Drauam uadit ad aquam Zaratka, que tempore inundacionis pluuie exit de Draua, et ibi est meta sub ulmo, et meta terrea, et ibi in parte australi sunt commetanei castrenses Zaladienses; deinde uadit per aquam Zaratka uersus orientem, ultra quam commetaneus est Egiuthkv cum tota generaicone sua; et inde redit ad primam metam. Nos igitur hec omnia, sicut iuste et legitime sunt facta, pro rato et firmo reputantes, iuxta humiles et intentas utriusque partis peticiones, ad memoriam et confirmacionem facti pleniorem, presentes concessimus litteras duplicis sigilli nostri patrocinio in perpetuum roboratas. Datum in Horom, anno gracie Mş CCş XXXş IXş, XVş kalendas Junii, Regni uero nostri anno quarto.

(Eredetie bőrhártyán, melyről a királyi kettős pecsétnek töredéke sárga-vörös-kék selyemzsinóron függ, a budai kir. kamarai levéltárban.)