In nomine Sancte Trinitatis et Indiuidue Unitatis. Andreas Dei gracia Hungarie, Dalmacie, Croacie, Rame, Seruie, Gallicio, Lodomerieque Rex in perpetuum. Digna remuneracione fidelitas dignis debet stipendijs a Regie Celsitudinis Serenitate refoueri; quatenus et humanum iusticie debitum impenditur, et retribucionis exemplo fidelium numerus augeatur. Proinde ad vniuersorum tam presencium quam futurorum Sancte Matris Ecclesie filiorum noticiam volumus peruenire, quod nos consideratis multiplicibus seruicijs dilecti ac fidelis nostri Andree Comitis de genere Wigman, que nobis in Regno et extra Regnum, et specialiter in Teothonia in illa expedicione nostra, quam tunc habuimus contra Ducem Austrie, quando Petrus frater Mauricij Magistri sub quodam castro nomine Roro est interfectus, laudabiliter exhibuit; in ipsius seruicij recompensacionem quandam terram nomine Chonuk sitam in Parochia Castri de Kamarun ad culturam quinque aratrorum sufficientem, que olim preconum domine Regine fuerat, contulimus sibi, et per eum suis heredibus iure perpe tuo possidendam; et in ipsius terre possessionem per fidelem pristaldum nostrum Symonem Comitem Latinum ipsuin fecimus introduci. Cuius prima meta incipit a parte orientali iuxta quandam magnam viam, que procedit per arundinetum in quodam monte; deinde progreditur versus meridiem interpositis metis per terras arabiles parumper; exinde venit ad occidentem per metas ad caput cuiusdam arundineti; dehinc flectitur iuxta arundinetum, a meridionali parte diu procedendo exit ad orientem, ita, quod totum arundinetum spectat ad Andream Comitem; iude metis interpositis per terras arabiles vadit et conterminatur terre ville Dusnik Lybyn, tenendo metas vsque huc cum terra Tadei, Ambrosij, et suorum cognatorum; deinde procedit per pratum directe ad occidentem, per interpositas metas venit ad quendam paruum monticulum, et in eodem monticulo incipit tenere metas cum villa Luaz Chonuk; inde tendit versus aquilonem, et per metas in terra arabili peruenit ad quoddam teluk, et transiens per medium teluk descendit ad finem prefati arundineti, et transiens arundinetum venit per terras arabiles ad locum, vbi sunt fossata limorum; in metis interpositis per terras arabiles descendit ad magnum arundinetum; inde incipit tenere metas cum terra Wata, que est empticia terra eiusdem Andree Comitis; exinde tendit uersus orientem, et peruenit ad eandem magnam viam, vnde prius inceperat; et sic terminatur. Vt antem hec a nobis facta donacio tam nostris, quam nostrorum successorum temporibus salua semper et inconcussa permaneat, presentem concessimus paginam priuilegiantis sigilli nostri munimine in perpetuum roboratam. Datum per (manus) Vgulini Colocensis Archiepiscopi et aule Regie Cancellarij anno Dominice Incarnacionis M° CC° XXX° V°. Venerabili Roberto Strigoniensi Archiepiscopo existente, Cleto Agriensi, Gregorio Geuriensi, Benedicto Waciensi, Bartholomeo Vesprimiensi, Stephano Zagrabiensi, Bartholomeo Quinqueecclesiensi, Regnaldo Transsiluanensi, Bulchu Chenadiensi, Benedicto Waradiensi Episcopis Ecclesias Dei feliciter gubernantibus, Dyonisio filio Dyonisii Comite Palatino, Ladizlao aule nostre Curiali Comite et Baachiensi, Luca Posoniensi, Osl Suppruniensi, Rameno Nitriensi, Bagyn Mussuniensi Comitibus; Nicolao Magistro Tauarnicorum, Mychaele Magistro Dapiferorum, Stephano Magistro Pincernarum et Comite Bycoriensi, Alexandro Magistro Agasonum, et alijs quam pluribus Comitatus tenentibus, Regni nostri anno tricesimo secundo.

(A győri káptalannak 1416-ki átirataból, mely a budai k. kamarai levéltárban őriztetik.)