Bela Dei gracia Rex, primogenitus Regis Hungarie, omnibus Christi fidelibus salutem in vere salutis largitore. Cum Monasteria in Vngaria constituta multum indigeant sollicitudine Regalis prouidencie; maxime talium, qui mundo ignoti, solummodo viuunt Deo, oportet possessiones vel ex nostra donacione, vel ex beneplacito aliorum in elemosynas assignatas diligenti prouidencia custodire; quia in custodiendis illis retribucio multa. Hinc est, quod vniuersis tam presentibus, quam futuris tenore presencium volumus peruenire (ad noticiam), quod cum Monasterium Dominici Bani de Monte in honorem Sancte Marie terra quadam Sydan nomine sub eodem Monasterio sita nimis indigeat, et hoc patri nostro illustri, Andree Dei gracia Regi Hungarie per Abbatem et fratres Ecclesie eiusdem fuisset declaratum; et pariter inde virorum condescendens peticionibus religiosorum, terram dictam exceptam a castro Soproniensi, pro remedio anime matris nostre contulisset; idem Abbas et fratres ad nostram accedentes presenciam, super collacione patris nostri confirmacionem priuilegij nostri sibi, imo Ecclesie humiliter et diligenter postularunt indulgentem (?). Nos igitur, et anime matris nostre, prout possumus, miserentes, et peticionibus dictorum Abbatis et fratrum satisfacere volentes, super dicta terra eollacionem patris nostri Ecclesie dicte confirmamus. Cuius terre prima meta incipit ab occidente, et tenet metam cum eodem Monasterio; inde vadit inferius juxta aquam Rebche, et tanet metam cum terra Bajka a parte septemtrionali; inde vadit versus orientem juxta eandem terram, et incipit tenere metas cum terra Prescina, que eciam est terra Ecclesie eiusdem, ubi sunt tres mete capitales, prima meta predicte Baka, secunda Prescina, et tercia Sydan; inde incipiendo tenere metas cum supradicta terra Prescina vadit Versus partes meridionales, et venit ad arborem magnam pomiferam, sub qua eciam sunt tres mete itidem principales, prima Prescina, secunda Tiuan et Boeffia, tercia Sydan; inde incipit metas tenere cum terra Tiuan, et vadit ad villam secundam Tiuan; inde ascendit montem, et vadit ad vineam Borotey, et de eadem vinea descendit in vallem quandam Ablanch nomine, ubi itidem sunt tres mete capitales, prima meta Tiuan, secunda Tumind de Ferreo Castro, tercia Sydan; inde incipit tenere metas cum Tumind in eadem valle, et ad occidentem versus idem monasterium, vallis autem illa diuiditur ita, quod Borsbaniensis occasionem terre sue ad terram Sydan transferre non possint, neque terra Sydan ad Borsuanienses; inde reuertitur meta ad idem monasterium, vbi inchoata fuerat, videlicet ad Vigna potoka, et in eodem potok sunt tres mete, prima Chedenka, secunda predicti Monasterij, tercia Sydan, et sic terminantur. Preterea eciam omnes collaciones alias eidem Monasterio Dominici Bani a patre nostro racionabiliter et honeste factas, tam in liberis denarijs, quam in cybrionibus, vel in tributo, nostro confirmamus priuilegio. Vt autem collacio patris nostri nullis vnquam temporibus reuocetur, sed per confirmacionem a nobis factam Ecclesie eidem salua semper et inconcussa permaneat, presentem concessimus paginam sigilli nostri munimine roboratam. Datum per manus Mathie Zagrabiensis Prepositi aule nostre Cancellarij anno gracie millesimo ducentesimo trigesimo tercio; Dyonisio Palatino existente, Pous Magistro Tauarnicorum, Andrea filio Seraphin Dapipherorum, Pronsa filio Solum Agasonum, Belud filio Osl Pincernarum nostrorum Magistris existentibus.
(III. Endre királynak 1291-ki megerősítő okmányából Hevenessy kéziratai közt LIX. köt. 428. l.)