Andreas Dei gracia Hungarie Rex vniuersis Sancte Matris Ecclesie filijs tam presentibus, quam futuris, presentem paginam inspecturis salutem in domino Jesu Christo. Quoniam temperata nostri temporis, nostri regiminis clausulis circumscripta, et ordinem et tutelam a nostro expectant patrocinio, venerabilis Vrias Abbas Ecclesie Sancti Martini de Sacro Monte Pannonie ad nostram accedens presenciam, quoddam nobis obtulit instrumentum super debitis et seruicijs populorum suorum, confectum a dilecto et fideli nostro Nicolao filio Borchy, tunc temporis Comite Palatino et Comite Soproniensi, et tanquam vir discretus et prouidus, ac imposterum precauens, a nobis instanter postulauit illud idem instrumentum in perpetuum confirmari; cuius nos honestis ac legitimis peticionibus ex consensu filiorum nostrorum, et jobagionum nostrorum consilio communi volentes satisfacere; instrumentum supradictum Regia auctoritate confirmamus, et ad stabilitatis cautelam firmioris de verbo ad verbum in presenti pagina iussimus annotari. Cuius tenor talis est:

Nicolaus Dei gracia Palatinus stb. (mint fentebb 279. szám alatt.)

Nos autem ad abundaciorem rei euidenciam et fidei cautelam amplioris, vt presens confirmacio super debitis et seruicijs supranominatis populorum Ecclesie antedicte, Regia liberalitate juste ac legitime facta nullis vnquam temporibus calumpnia vel obliuione mediante in irritum possit reuocari, sed salua semper et inconcussa permaneret, presentem concessimus paginam duplicis sigilli nostri munimine in perpetuum roboratam. Datum anno Dominice Incarnacionis millesimo ducentesimo XXX° IIJ.° Regni autem nostri anno XXX°.

(Eredetie bőrhártyán a király függő pecsétje alatt a pannonhalmi főapátság levéltárában.)