A B C.

Capitulum Wesprimiensis Ecclesie omnibus presentes litteras inspecturis salutem in Domino. Nouerint vniuersi, quod Strochona in nostra constitutus presencia asseruit, quod de terra sua quandam partem, et siluam Comiti Hoholt pro L marcis uendidisset, quam Rex Henricus eidem cum fratribus suis sub priuilegio suo munitam dederat, et dictus (így) Hoholt terram, quam emit, cum metis assignauit. Prima meta incipit a fossa, que est inter aquam Lyboam et Muram; inde tendit superius ad Muram, et per Murarn vadit ad insulam eiusdem Mure, in qua erat domus drusinie, et eandem insulam circumiacet vada Mure non fluens; et inde tendit superius ad Muram usque ad Hochsu quendam locum; et inde iterum vadit ad septemtrionalem partem usque ad fluuium Lyboam; et inde transiens Lyboam tendit superius iuxta siluam Hetes ad montem Wald, et ibi est meta de terra, et superius ad occidentem remanet Strochone, inferius uero per aquam ad orientem remanet Comiti Hoholt; et ibidem de monte transit per nemus Hetes, et tendit ad fluuium Lyndua, et ibi in insula est meta de terra; et inde transit per dictum nemus ad aliud fluuium Lindua; inde per campum tendit ad metam proprie terre Comitis Hoholt, et ibi terminatur; coram nobis sic sunt professi. Dixerunt eciam, quod dictus Hoholt primitus metam iuxta terram eorum habuisset. Vt autem ea, que acta sunt in nostra presencia firmiter permaneant, super hoc litteras concessimus nostras sigilli nostri munimine roboratas. Datum Wesprimij per manus Magistri Johannis Lectoris, anno gracie M° CC° XXX° IJ° Reuerendo domino et patre nostro Bartholomeo Episcopo, Cazmerio Preposito, Johanne Cantore, Mathia Custode existentibus.

(Eredetie bőrhártyán, melyről a káptalan pecsétje vörös-zöld selyem zsinóron függ, a budai k. kamarai levéltárban.)