A B C D E F G H I K L

Vniuersis Christi fidelibus presentes litteras inspecturis Budensis Ecclesie Capitulum salutem in Domino salutari. Que geruntur in tempore, ne labantur cum tempore, sollers hominum adinuenit prudencia, ut scripture testimonio perempnentur. Hinc est, quod ad uniuersorum noticiam tam presencium quam futurorum harum tenore uolumus peruenire, quod Stephanus filius Mour, et Pet filius Pot in nostri presencia constituti dixerunt uiua uoce, quod contra Magistrum Demetrium pro expensis ab ipso D. Cepano filio Cepani quondam Comitis Palatini, qui filiam ipsius D. sibi matrimonialiter copulauerat factis, in sexcentis marcis remansissent ordine iudiciario; et cum non haberent unde soluere, quandam uillam ipsorum nomine Chun, communem cum Abbate de Lybyn dato utiliori concambio ipsi Ecclesie, scilicet medietatem uille Curtuel, cuius media pars prius dicte Ecclesie fuerat, ex consensu Abbatis et Conuentus, quod concambium Leonardus Abbas predicte Ecclesie ex bona uoluntate sua et fratrum suorum factum esse, uiua uoce asseruit, pro dicta summa pecunie integraliter ipsi D. et eiusdem successoribus iure perpetuo possidendam concesserunt, omni iuri et accioni tam ipse Abbas et Conuentus, quam dictus S. et P. super ipsa uilla sponte et uoluntarie renunciantes; ita quod siue in presencia iudicis secularis seu ecclesiastici querimoniam proposuerint, eisdem audiencia nullo modo prebeatur; si autem aliquis extraneus contra predictum D. super ipsa uilla Chun agere uoluerit, dictus S. et P. super his respondere tenebuntur. Istud ciam nolumus preterire silencio, quod quamuis ipsa uilla Chun non ualeat summam pecunie nominate; tamen Magister D., uolens agere misericorditer cum eisdem S. et P., et detractoribus remouere materiam malignandi; preter relaxacionem debiti, quod ijdem S. et P. dieto D. tenebantur, eis persoluit centum marcas, quas sepedictus S. et P. integraliter recepisse sunt confessi. Vt igitur huius cause series in nostri presencia fine debito terminata, salua semper et inconcussa permaneat, testimonium fidei presentem concessimus paginam sigillo Capituli roboratam. Anno Dominice Incarnacionis millesimo CC° XXX° II°; Johanne Cantore, Jonata Custode, Augustino Decano, Thoma Comite, et ceteris fratribus existentibus.

(Eredetie bőrhártyán, melyről a káptalan pecséte hártyazsinegen függ, a budai k. kamarai levéltárban.)