Jula Banus tocius Sclauonie et curialis Comes Regie (így) vniuersis Christi fidelibus tam presentibus quam futuris presens scriptum inspecturis salutem et omne bonum. Vniuersitati vestre declaramus, quod cum coram nobis inter Comites Marcellum et Abraham de Pukur et totam cognacionem eorum ex vna parte, et inter Dursan, Comitem Martinum, Deucher et Wlchie filios Radeuan ac Comitem Hodos et eorum cognacionem ex altera parte quedam causa super quadam terra, que Topolouec nuncupatur in Pukur habita fuisset ventulata, cum consensu nostro ad pacem peruenerunt, tali tamen condicione, quod si altera pars iterato litem remoueret, CC pensas alie parti persolueret; terram tamen supradictis Comiti Dursan et fratribus suis in pace dimiserunt possidendam. Prima meta huius terre incipit ex parte orientali in quodam monticulo, cuius nomen est Babinagorycha; inde versus meridiem quandam viam transeundo descendit ad siluam Rauen; inde tendit ad aquam Pukur, vbi quidam duo riuuli cadunt in ipsam; inde per cursum ipsius venit ad aquam Mlaka, per cuius meatum eundo intrat iterum in Pukur; hinc per descensum aque Pukur in magno spacio descendit ad fluuium Pucrutz, qui cadit in ipsam Pukur, et vbi est meta terrea; inde per meatum eiusdem Pukur longe in commetacione terre Toide et Retzlan venit, vbi fluuius Zdenichnit intrat in Pukur; inde vero tendit contra Zdenichnit, in bono spacio venit, vbi fluuius Racouez cadit in ipsum; inde ad caput eiusdem, ibi est meta terrea in silua magna Rauen; inde ad plagam occidentalem per multas arbores cruce signatas venit ad siccam Mechenicam; abhinc eundo ad septemtrionem per metas et signa in arboribus posita tendit ad fluuium Gradinouecz, et ibi est metaterrea; et exiens de Gradinouecz vadit per campum versus eandem plagam in quandam vallem, et illa tendit ad fluuium Bucouecz, et ibi est meta terrea, per cuius decursum intrat in aquam Mechenica, per quam superius eundo venit, ubi fluuius Dobouecz cadit in ipsum Mechenicam, et per ipsum Dobouecz dirigitur sursum usque ad vadum Rigibrod dictum; inde per viam tendit versus orientem supra montem, est meta; et per eandem viam directe in bono spacio cadit in fluuium Radmis, ibi eciam est meta; transitque fluuium Radmis, in eadem via venit ad caput cuiusdam vallis; et de capite ipsius tendit ad caput alterius vallis Clopetnik nominate; inde per viam et siluam, per arbores crucesignatas quandam viam magnam in paruo spacio saliendo, reuertitur ad priorem metam; et terminantur. Ad huius autem rei confirmacionem presens scriptum sigillo nostro munitum contulimus. Ad hec pristaldus Bani Daniel vocatur, pristaldus nobilium nominatorum Cacanus Comes terrigena de Cus. Anno gracie M° CC° XXX° secundo.

(A pozsegai káptalan egykoru átiratából, mely eredetiben a mélt. hg. Batthyányi család körmendi levéltárában őriztetik.)