Capitulum Zagrabiensis Ecclesie omnibus presens scriptum inspecturis salutem in Domino. Ad universorum noticiam harum serie volumus peruenire, quod Wolsheca nobilis vir vna cum fratribus suis Szida et Mega filiis Mezten ab una parte, et Roberto Comite filio Abel ab altera coram nobis personaliter constitutis, idem Volsheca Comes et fratres sui superius annotati publice sunt protestati; quod ipsi vinculum proximitatis volentes cum ipso Comite Roberto contrahere, eidem introductu filie prefati Volsheca nomine Dragozt, possessionem ipsorum hereditariam Culpateuu vocatam cura omnibus utilitatibus et pertinencijs seu circumstancijs suis metis subscriptis nterclusam, dederunt seu contulerunt eidem Roberto Comiti, et per eum suis heredibus, heredumque successoribus liberam et plenam opcionem de ipsa possessione ordinandi, disponendi iuxta libitum sue voluntatis. Pro cuius facti ampliori cautela unum ex nobis, virum utique fidedignum, magistrum scilicet Dragoslaum pro inspiciendis et considerandis metis et circumstancijs terre prescripte trausmisimus; qui demum ad nos rediens indicauit nobis, quod prescriptam possessionem sub certis metis et limitibus, presentibus commetaneis et vicinis, ac in nullo contradicentibus reambulasset. Astiterunt eciam consanguinei seu proximi Ultece Comitis et fratrum suorum uniuersi, scilicet Concunnia et Wolshek filij Extina, Sceidimech et Wanesko filij Crisan, Wolk et Nork filij Norsa, Jonosa filius Coleda, Predislaus cum suis fratribus et proximis, Ortum, Dragos, Extesa, Chercht, Odola et Zorislau filij Chuchuk, Volcoy et Volk filij Ztoyklay; qui donacionem memoratam sub metis et limitibus infrascriptis consensu suo ratificantes, sine contradiccione aliqua aduiiserunt, et consensum prebuerunt unanimem et assensum. Prima vero meta possessionis superius annotate, sicut a prefato homine nostro et prefatis partibus nobis constiterat referentibus, incipit ab oriente in meta terre, vbi quidam alueus Saue Stwdech vocatus cadit in ipsam Sauam; per quem Ztwdech vadit et peruenit ad vnum chresh, in quo vadit et peruenit ad fluuium Corica vocatum; inde procedendo venit ad quoddam jun; inde vadit et peruenit ad vnum locum Pyarichna vocatum; inde procedendo peruenit ad vnum fluuium, in quo in transuerso meatus eiusdem fluuij vadit ad vnam siluam, que magna knea nominatur; inde procedit et peruenit ad fluuium Cherenchina vocatum; de quo exiens cadit ad viam vnam, in qua procedendo peruenit ad duas metas terreas; hinc flectitur versus occidentem, et transit vnam viam, et per metas cruce signatas vadit per vnum iuger bona longitudine, et peruenit ad viam antiquam versus septemtrionem, per quam procedit nimia longitudine, a sinistra parte terra Abbatis de Toplica, et a dextra parte terra Roberti Comitis remanente; per eandem viam procedendo peruenit ad vnum riuum, qui Slepeht nominatur, et per eundem cadit in fluuium Moschenicha, per quem fluuium Moschenicha cadit in Culpam; hinc vadit inferius per eaudem Culpam, et exit directe inter Rakou et Gonicha, et peruenit ad vnum locum, qui Wrist nominatur; inde directe ascendens intrat quandam viam, que pergit versus Sticeht; et per eandem viam procedit versus aquilonem, et in eadem via intrat vnum riuulum Cozopor nominatum, qui riuulus cadit in fiuuium Culpa predictum; et in eodem fluuio Culpa descendit, et peruenit vbi aqua Saue prefate et aqua Culpe coniunguntur seu commiscentur; inde procedit uersus septemtrionem per aquam Saue per magnum spacium; de quo exiens peruenit ad quandam indaginem ad metam terream versus orientem flectendo procedit per eandem indaginem, et peruenit ad vnum lacum in fine eiusdem indaginis existentem, qui Locou nominatur; et per medium eiusdem lacus vadit in magna longitudine; et inde exiens vadit ad arbores scil vocatas per metas terreas, et arbores cruce signatas, et peruenit ad vnum lacum Krepche vocatum, per cuius medium vadit, et exit ad vnam arborem, que wlgo doob vocatur cruce signatam; hinc procedit versus meridiem per arbores sitil in magna latitudine cruce signatas; de quibus exeundo peruenit ad finem vnius terre Loca vocate, et ibi meta terrea iuxta arbores scil; de eadem cadit in fluuium Schepchina vocatum, vbi limites nobilium Domonozlau a metis Roberti Comitis separantur; hinc vadit versus occidentem per fluuium Schepchina supradictum, vbi nobiles de Blina commetantur; per quem fluuium vadit per magnum spacium, et flectitur versus meridiem in antiquo cursu supradicti fluuij; et per eundem antiquum cursum cadit in fluuium Saue prenotate; abhinc vadit directe per medium eiusdem aque pergendo per magnum spacium peruenit ad alueum Saue Ztwdecho vocatum supradictum, ibique terminatur. In cuius rei certitudinem et cautelam perpetuam presentes contulimus sigilli nostri munimine roborando. Datum in octauis Sancti Stephani Regis anno Domini millesimo ducentesimo vigesimo octauo.

(Nagy Lajos királynak 1359-ki „datum XIV. kal. Aprilis” helybenhagyó okmányából, melyet I. Lipót király 1699. márczius hó 14-ke alatt megerősített. Az Árpádkori Új Okmánytár első folyamának I. kötetében 258. l. ezen okmány töredékét közöltük; melynek teljes szövegét azóta a Liber Regius XXVI. kötetében feltaláltuk.)