A. Dei gracia Hungarie Rex vniuersis Christi fidelibus presentem paginam inspecturis salutem et omne bonum. Cum ea, que Regia confert uel confirmat auctoritas, salua semper et inconcussa permanere debeaut; presentibus et posteris uolumus fieri manifestum, quod cum karissimus primogenitus noster Illustris Rex Bela de nostro mandato perpetuitates reuocaret, jobagiones Castri Supruniensis, Thomami filium Oslu super quadam terra nomine Neweg ad tria aratra de memorato castro exempta ad nostram traxerunt presenciam; asserentes, ipsum dictam terram uiolenter detinere. Thomas uero proponebat, dictam terram sibi ex nostra donacione pro suo fideli et multplici seruicio prouenisse; sicut postmodum auctoritate nostri priuilegij super hoc a nobis impetrato legitime et manifeste probauit. Nos uero uia Regia procedentes, nulli in sua iusticia deesse uolentes, una cum filiis et magnatibus nostris racione preuia habita diligenti deliberacione censuimus dictam terram prefato Thome, et per eum suis heredibus pro suis seruiciis, que nobis exhibuit, perpetuo debere pertinere; imponentes super hoc jobagionibus dictj castri silencium, qui fuerint pro tempore; ne super eadem causa contra Thomam, aut ipsius successores aliquam audeant mouere questionem. Vt igitur tam nostra precedens donacio, quam eciam subsequens a nobis legitime promulgata sentencia ullis umquam temporibus reuocari non possit, sed salua semper et inconcussa permaneat, in amplioris fidei argumentum presentem concessimus paginam dupplicis sigilli nostri munimine in perpetuum roboratam. Datum anno gracie millesimo CC° XX° octauo, Regni autem nostri anno XX° quinto.

(Eredetie bőrhártyán, a sárga-kék selyemzsinóron függött pecsét elveszett, a budai kir. kamarai levéltárban.)