269. Gyula nádor az ó-budai káptalan kérésére ennek Csehtó nevű halastavát Sebestyén pap által uj határokkal elláttatja. 1224.

Jula Dei gracia Palatinus et Soproniensis Comes vniuersis presentem paginam inspecturis salutem in eo, qui salutes mandat, salutes Jacob. Vt emergenti calumnie imponatur silencium, et obliuionis redimatur dispendium, prouida adinuenit racio fidelem memoriam litterarum sibi efficacem adiutricem. Sciat itaque etas presens et noscat postera, quod vniuersum Capitulum Budensis Ecclesie considerans predia et piscinas collata eidem Ecclesie ab antiquo; ne prolixitate temporum, uel metarum uetustate super eis possit calumnia suboriri, a nobis humiliter postulauit, quod ad eorum piscinam, que wlgo Chechtoo dicitur, de nostris fidelem, qui eam circumspiceret, et nonas metas ueteribus apponeret, transmitteremus. Nos igitur Sebastianum clericum, fidelem et prouidum, ad negocium tam arduum decreuimus destinandum. Predictus igitur Sebastianus, vicinis conuocatis et omnibus commetalibus, predicte piscine terminos circuiuit, et ex circumiacentibus memorate piscine nec est inuentus aliquis contradictor. Porro terra prefate Ecclesie, infra cuius terminos predicta pisscina concluditur, primam habet metam ab oriente iuxta. Tyciam proximam silue, que wlgo Ffyzuforku dicitur; inde vero protenditur per medium fluuium Tycie vltra lacum, qui Lapusfeu dicitur; iuxta quem exiens a predicto fluuio, versus orientem protenditur ad aqueductum, qui Chechtow dicitur, includens piscinam, que Ffeyrtow dicitur; et inde reuertitur ad Tyciam, iuxta aque alueum, per quem omnes incluse piscine detrimentum aque susscipiunt et augmentum, et ibi ad rippam eiusdem aluei meridionalem transiens, ad occidentem flectitur, et tangit quoddam precipicium, quod Peteraya dicitur; et iude extenditur iuxta ripara Sedum, et inde girans versus meridiem iuxta eandem ripam tendit ad villam Salomonis, et inde ad villam Kokot; inde vero ad occidentem dilatatur iuxta sepedictam ripam ad terram filiorum Kollou; et inde ad terram seruorum Regis extenditur versus aquilonem; deinde vero - - - sepedictam ripam tendit ad uiam precipitem, que Golumbaya dicitur; et inde protenditur vsque ad terram Bulsu; et ibi terminantur mete iuxta ripam posite memorate; et inde reflectitur versus orientem, includens radicem aluei, qui Homurher dicitur, et complectens paludem Tamar nomine, multis metis interpositis, tendit ad metam primam, de qua circum - - - - pcio dicte terre fuerat incoata. Quidquid untem infra metas concluditur memoratas, Budensis Ecclesia ab antiquo tempore possedit pacifice et quiete. Vt autem huius rei series permaneat inconcussa et illesa pro posteris, eam censuimus recordatione presencium litterarum et nostri sigilli munimine roborari. Anno verbi incarnati M° CC° XX° IV°.

(Fejér ezen okmányt Hevenesi után sok hibával tette közzé Cod. Dipl. III. k. 1. r. 470. l.; a hibákat Zsigmond király 1389-ki átiratából Knauz Nándor igazította ki, Magyar Sion I. köt. 291. l.)