259. Detrich zólyomi főispán és Herduin, Szebeléb nevű birtokot az esztergami káptalannak eladják. 1222.

A B C D

Detricus Comes de Zvolon et Herduinus filius Beduguerii omnibus, ad quos littere presentes peruenerint, significamus, quod nos totam terram de Zebehleb, que ad predictum Redugueram pertinebat, Capitulo Strigoniensi sub testimonio litterarum Andree Illustris Regis Hungarie uendidimus perpetuo possidendam, pro summa centum marcarum argenti, de quibus decem marcas eidem Strigoniensi Ecclesie indulsimus pro remedio anime eiusdem Reduguerii, et decem marcas pro remedio anime nostre ita; ut tam in ipsius anni versario, quam nostro, singulis annis in eadem ecclesia fieret memoria in oracionibus. Reliquum uero pecunie predicte, scilicet LXXX marcas argenti, confitemur nos a prefato Capitulo ante festum Omnium Sanctorum totaliter et plenissime recepisse. Vt ego nemo in posterum per aliquam calumpnie speciem contra prefatum Capitulum super hoc ualeat insurgere; confessionem nostram, coram fratribus Sancti Stephani Regis de Strigonio publicatam et presentibus litteris inscriptam, eorumdem testimonio et sigillo exegimus roborari. Factum anno verbi incarnati M. CC. XX. secundo.

(Az eredeti után Knauz, Magyar Sion II. köt. 211. l.)