Andreas Dei gracia Hungarie Rex vniuersis tam presentibus quam futuris litteras presentes inspecturis salutem et omne bonum. Ad vniuersorum notiniam volumus peruenire, quod nos ad preces dilecti et fidelis nostri Wros Abbatis Sancti Martini de Pannonia terciam partem Danubij et piscature, que tonya dicitur Hungarice, que ad castrenses Zuluga Geurienses, et uduornicos nostros de villa Gueneu pertinebat, vna cum tercia parte uagi, quod uulgo Eurem dicitur, que ad Palatinum nostrum pertinebat, cum consensu Nicolai tunc temporis Palatini nostri, dicte Ecclesie Sancti Martini perpetuo contulimus possidendas. Vt autem hec nostra donacio nostris nostrorumque successorum temporibus salua semper et inconcussa permaneat, presentem concessimus paginam dupplici sigillo roboratam. Datum per manus Cleti aule nostre Cancellarij et Agriensis Prepositi anno verbi incarnati M° CC° XX° secundo.

(Eredetie bőrhártyán, melyről vörös-fejér zöld zsinoron a pecsét függ, a pannonhalmi főapátság levéltárában.)