In nomine Sancte Trinitatis et Individue Unitatis. Andreas Dei gracia Hungarie, Dalmacie, Croacie, Rame, Seruie, Gallicie Lodomerieque Rex in perpetuum. Cum insopita malorum pernicies ad demolliendum ueritatis constanciam semper inuigilet, prouida Regum adinuenit discrecio, ut suis gesta temporibus negocia perpetue traducenda memorie, ne processu temporis a sui tenoris constantia possit recedere, litterarum testimonio commendentur, auctoritatis Regie cyrographo (így) confirmata. Hinc est, quod terram quandam, nomiae Zbehleb, cuius partem fratres Strigoniensis Ecclesie insto iuris titulo ab antiquo possidebant, partem vero, quam a castris Blondich et Hunt exceptam, ex donacione fratris nostri bone memorie Regis Heymerici Ludugerius Comes inrecompensacionem suorum seruiciorum ei collatam possederat, eo defuncto, a filio eiusdem Ludegerii Herruino, et Herruini socero Detrico ex beneplacito ipsorum uendere uolentibus, ne aliquis alienus interueniens posset eos disturbare, memorati fratres, nobis scientibus et assensum prebentibus, nonaginta marcis compararunt. Cuius terre prima meta incipit uersus Lvzna pothok, cadit in flumen Lubus; inde tendit ad ortum fluminis, quod wlgo dicitur Meges pothok; et inde Lagkv; deinde iuxta montem Plesca transeundo, venit ad Lubus pothok, et sic per flumen redit ad priorem metam. Nolumus eciam silencio preterire, quod ad preces memoratorum sepius fratrum, hominibus, super dictam terram commorantibus, talem concessimus libertatem, vt nusquam per totum Comitatum Hunt, scilicet nec in foris, nec in pontibus, nec in aliis locis tributum soluere teneantur. Vt autem et hec a nobis facta concessio, et memorate rei series, nostro mediante consensu gesta legitime, nec nostris, nec nostrorum successorum temporibus ualeat retractari; ad peticiones utriusque partis supranominate, ementis scilicet et uendentis, presenti eas pagina in noticiam deduci posterorum et sigilli nostri munimine in perpetuum iussimus roborari. Datum per manus Clety aule Regie Cancellarii et Agriensis Prepositi; anno Dominice Incarnacionis M. CC. XX. II.° Venerabili Johanne Strigoniensi, Reuerendo Vgrino Colocensi Archiepiscopis existentibus, Desiderio Cenadiensi, Roberto Vesprimiensi, Thoma Agriensi, Stephano Zagrabiensi, Bartholomeo Quinque-Ecclesiensi, Cosma Geuriensi, Alexandro Waradiensi, Briccio Waciensi Ecclesias feliciter gubernantibus. Nicolao Palatino et Comite Supruniensi, Ochuz Bano, Paulo Woiawoda, Dionisio Magistro Tawarnicorum et Comite Bachiensi, Bancone Curiali Comite Regis et Comite Budrugiensi, Demetrio Senescalco et Comite Woswariensi existentibus. Regni nostri anno XIX.°

(Az eredeti után Knauz Nándor Magyar Sion II. köt. 210. l.)