In nomine Sancte Trinitatis et Indiuidue Unitatis. Andreas Dei gracia Hungarie, Dalmacie, Croacie, Rame, Seruie, Gallicie, Lodomerieque Rex in perpetuum. Prouida Regum discrecio tam circumspectam erga sibi subditos clebet habere diligenciam, ut quanto quis sibi famulatur, tanto propensius munificencie donis remunerandus fore censeatur. Cum itaque nobis fideliter obsequencium merita non debeamus ingratitudinis preterire silencio; propter indecidue (így) fidelitatis obsequia, quibus oculis nostre Maiestatis nostri fideles, Belud scilicet et Oslw filij Comitis Oslw, tam in Regno, quam extra Regnum seruiuerunt, in eorum reconpensacionem probitatum et memoriam, terram quandam nomine Moglocha ad castrum de Suprun pertinentem, tam eis quam eorum heredibus contulimus in perpetuum possidendam. In cuius nostre donacionis possessionem per Bulsw Prepositum Geuriensem fecimus ipsos introduci. Cuius terre prima meta incipit a predio Petri Comitis filij Endus, quod uulgo Morgota dicitur, porrigitur per medium stagnum, quod Uswen vocatur in uillam Belidii Borboso, sitam in plaga meridionali; a qua protenditur uersus occidentem in arundinetum, quod est inter insulam Osly Comitis et uille Moglocha; per medium uero iam dicti arundineti currit in plagam septemtrionalem ad uillam Sarkan; dehinc ad metas uille Bene; post quod reuertitur in primam metam uille Morgota et stagnum Vsven, et sic terminatur. Vt igitur hec a nobis facta donacio et nostri et nostrorum successorum temporibus salua semper et inconcussa permaneat, presentem concessimus paginam sigilli nostri munimine in perpetuum roboratam. Datum per manus Cleti aule Regie Cancellarij et Agriensis Prepositi, anno Dominice Incarnacionis millesimo ducentesimo vicesimo secundo. Venerabili Johanne Strigoniensi, Reuerendo Vgrino Colocensi Archiepiscopis existentibus, Desiderio Cenadiensi Episcopo, Roberto Wesprimiensi, Thoma Agriensi, Stephano Zagrabiensi, Alexandro Waradiensi ceterisque Episcopis Ecclesias Dei feliciter gubernantibus. Nicolao Palatino et Supruniensi Comite, Dionisio Magistro Tauarnicorum et Comite Bachiensi, Ochuz Bano, Smaracdo Posoniensi, Bancoue Novi Castri, Pousa Borsodiensi, et aliis Comitibus Comitatus tenentibus, Regni nostri anno decimo et nono.

(Az eredeti után hasonmással együtt Érdy a Magyar Akadémia Évkönyveiben VI. köt. II. 197. I.-IV. László királynak 1274-ki átirata után azt már Fejér is kiadta Cod. Dipl. VII. köt. 5. r. 197. l.)