A B C D E

†. Vniuersis Christi fidelibus, ad quos presentes littere peruenerint L. Abbas Ecclesie Sancti Jacobi de Lybin et eius loci Fratrum Uniuersitas oraciones in Domino. Quoniam omne quod fine clauditur, mutabile est, et labente temporum curriculo memoria inposterum eradicetur; idcirco quod inpresenciarum agitur, scripture testimonio duximus commendandum. Ideoque notum fieri uolumus tam futuris quam presentibus, quod Beke confrater noster quemdam seruum suum nomine Buze, qui ei a progenitoribus suis in seruili tenebatur condicione, pro remedio anime sue, eum a iugo seruitutis excepit, et perpetuam sibi contulit libertatem, tali videlicet tenore, ut ubicunque uoluerit, liberam habeat manendi facultatem, et nec a filijs suis, nec a successoribus suis, nec a quoquam hominum eius libertas ualeat infirmari. Et ut hoc firmum et stabile permaneat, et a nullo possit infringi, presentem paginam predicto Buze in testimonium sigilli nostri munimine roborauimus. Factum est hoc anno Dominice Incarnacionis M° CC° XV° IIII°; presentibus Ecclesie fratribus Andrea Magistro, Valentino Decano, Deruodio Celerario, Blasio Presbitero, Orphano Custode, Henrico Presbitero, Laurencio Presbitero existentibus et ceteris Christi fidelibus.

(Eredetie bőrhártyán, a pecsét már lehúllott, a mélt. b. Révay család levéltárában.)