Sancte Strigoniensis Ecclesie Capitulum omnibus, ad quos littere presentes peruenerint, oraciones in Domino. Notum sit uniuersis, quod constitutis in presencia nostra Moor primipilo Kamarniensi (így), Vid, jobagione eiusdem castri ab una parle; Petro filio Cokos procuratore Samuelis Comitis, ut ipse dicebat, ab altera; proposuit dictus P., quod S. Comes, dominus ipsius a jobagionibus castri Kamarniensis de uilla Vrs terram ad tria aratra cum pertinencijs ad ipsam, pro III marcis argenti comparasset, et de precio eisdem ad plenum satisfecisset. Supradictis uero M. primipilo et V. tum pro se, tum pro ceteris conjobagionibus suis de uilla Vrs super propositis a prefato P. testimonium perhibentibus, postulaverunt communiter, ut secundum recitacionem factam rem gestam scripto commendaremus. Ad quorum peticionem presentem paginam confecimus, et sigilli nostri munimine roboravimus; anno ab Incarnacione Domini M.° CC.° XVIII.° Regnante feliciter glorioso Andrea Hungarorum Rege et in peregrinacione Jherosolimis commorante; Johanne Strigoniensi Archiepiscopo, Calano Quinque-Ecclesiensi, Petro Geuriensi, Roberto Vesprimiensi Episcopis; Jacobo Ecclesie nostre Lectore, Amando Cantore, Hysce Custode, Apolinario Nitriensi, Johanne de Saswar, Alexandro Gumvriensi Archidiaconis, Laurencio, Wos, Philippo Canonicis existentibus.

A. B. C.

(Knauz, Magyar Sion I. köt. 290. l.)