In nomine Sancte Trinitatis et Indiuidue Unitatis. Andreas Dei gracia Hungarie, Dalmacie, Croacie, Rame, Seruie, Gallicie Lodomerieque Rex in perpetuum. Cum Regie Serenitatis magnificencia iuxta suorum merita uberiori debeat diffluere gracia, interest et salutis, in bene meritorum laudibus manu plena et aperta Regali munificencia assurgere, qui nec sibi nec suis parcere querunt, sed cum locus affuerit, pro denota fidelitate sui sanguinis effusionem non formidant. Hac itaque consideracione nos faboraliter (így) ducti, ob eximie fidelitatis seruicium, quod nobis Comes Mysca pater Magistri Salomonis exhibuit, qui post miserandam cedem dilecte consortis nostre per inpios inpie factam, filium nostrum Bela in nostra desolacione de latere nostro assumpsit, quem tenerrime educauit, et cum uoluimus, mirum in modum mire fidelitatis gloriose educatum, qui quamuis poterat, tamen non excessit, ad sinum nostre paternitatis deportauit; in recompensacionem tanti hac (így) talis seruicij terram quandam nomine Edelych de Castro Zaladiensi exemtam sibi suisque heredibus iure perpetuo possidendam contulimus; quam per fidelem nostrum Comitem Henricum de genere Zoloue nullo reclamante circummetari iussimus, et dictum Myscam introduci. Huius igitur terre prima meta incipit in capite fontis Warizka, et per uallem nemorosam et fagosam perueniunt mete ad domum Domase; deinde ad magnam uiam, que uenit de uia ad conterminium Moghorod; illinc itur per metas terreas et arbores signatas usque ad metas Marcus, ibique intrat in magnam uiam, iuxta quam per metas terreas et arbores signatas usque ad conterminium Comitis Ochuz, in quo uenitur per siluam ad montem, qui uulgo dicitur berczy, in quo descendit per metas terreas ad aquam Ztumpach; deinde ascendit superius iuxta domum Dionisij ad magnam uiam, in qua itur diucius in arboribus signatis et metis terreis, reuertitur ad priorem locum, uidelicet ad caput fontis Warizka, ubi in orientali plaga commetatur Sehturiensibus a sinistris. Vt igitur nostre donacionis et perpetue confirmacionis series duret inposterum inconcussa, presentem paginam in cautelam manentem sigilli nostri munimine fecimus insigniri. Datum per manus Thome aule Regie Cancellarij et Albensis Prepositi, anno Dominice Incarnacionis M° CC° XIII°. Venerabili Johanne Strigoniensi, Reuerendo Bertoldo Colocensi Archiepiscopis existentibus; Calano Quinque Ecclesiensem, Catapano Agriensem, Desiderio Chenadiensem, Symone Waradiensem, Gothardo Zagrabiensem, Willermo Vltrasiluanam, Petro Geuriensem, Roberto Bezprimiensem, Jacobo Waciensem Ecclesias Dei feliciter gubernautibus; Nicolao Palatino et Budrugiensi Comite, Ochuz Bano, Jula Voiauoda et Zounukiensi Comite existentibus, Salomone Bachiensi et Magistro Tauarnicorum, Mica Bychoriensi, Smaragdo Posoniensi, Johanne Supruniensi, Pothone Musuniensi, Misca Wosuariensi, Martino Chenadiensi, et Curiali Comite, Alexandro de Nouo Castro, Nicolao Albensem Comitatus tenentibus; Regni nostri anno decimo.

(Eredetie bőrhártyán, melytől a pecsét vörös-sárga selyemzsinóron függ, főmélt. herczeg Batthyáni család levéltárában. Ezen okmány részét közzétette Fejér Cod. Dipl. VII. k. 1. r. 191. l.)