209. A sz. István első vértanu Nagyvárad melletti konventje bizonyságot tesz arról, hogy Durug comesnek fiai Ecsedet sógorukra Gyulára, Gyulának fiára átruházták. 1209.

J. miseracione Diuina Prepositus et Conuentus Sancti Stephani Protomartyris de Promontorio Waradiensi omnibus Christi fidelibus tam presentibus quam futuris presentem paginam inspecturis salutem in eo, qui est omnium vera salus. Ad vniuersorum noticiam harum serie volumus peruenire, quod cura Ladizlao et Marcho filiis Comitis Durug pro se, nec non Alberto ac Dominico fratribus suis ab vna parte, Gyula filio Gyula eorum sponso ab altera coram nobis personaliter constitutis, iidem Ladizlaus et Marchus quandam terram seu possessionem ipsorum Eched nuncupatam in heredibus eorum, vt dixerunt, per femineas proles donandam, dandam et voluendam sub vna meta et distinccione inclusam, cum omnibus vtilitatibus suis et pertinenciis, eidem Gyule sponso ipsorum, et per eum vxori eiusdem, eorum sorori, causa mutue dileccionis, vtpote Durug ipsorum pater predictus tempore contractus matrimonij sue filie Gyule suo sponso, vt ijdem dixerunt, tradiderat jure perpetuo possidendam, modo cum simili iidem Ladizlaus et Marchus, suorum voce et fratrum suorum predictorum, eidem Gyule dederunt, tradiderunt, donauerunt inreuocabiliter et pacifice possidendam. In cuius rei testimonium perpetuamque firmitatem litteras priuilegiales nostri sigilli munimine presentes duximus muniendas. Datum ab Incarnacione Domini anno millesimo ducentesimo nono.

(Kamarai hitelesített átirat a mélt. gr. Károlyi család levéltárában.)