206. II. Endre király Poch nádort Challó nevű jószágnak birtokában megerősíti. 1209.

In nomine Sancte Trinitatis et Individue Unitatis. Andreas Dei gracia Hungarie, Dalmatie, Croatie, Rame, Seruie, Gallicie, Lodomerieque Rex in perpetuum. Cum ex uarietate temporum uarientur gesta mortalium, dignum est et rationi consentaneum, quod quelibet possessio, licet iusto gaudeat comparationis titulo, ut inde lis et controuersia sopiatur in posterum, Regie confirmationis priuilegio tutelam percipiat et perpetue securitatis argumentum. Inde est, quod dilecto et fideli nostro Poch Palatino et Mussuniensi Comiti ob eximia sue fidelitatis merita, terram quamdam Challov nomine, quam emerat a quodam iobagione Castri Mussuniensi Mochorial nomine, sibi et per eum heredibus suis in perpetuum confirmauimus. Prima meta huius terre incipit a quadam palude iuxta Sar ex meridionali parte communicando metas cum terra Janus; et inde procedit uersus occidentem ad montem, ubi sunt tres mete de terra; et inde uadit ad magnam uiam; inde procedendo iuxta eandem uiam communicat metas cum uilla Kata; et inde uadit uersus aquilonem ad statuam lapideam; et inde procedit communicando metas cum villa Fulzaran; abhinc ascendit ad unum monticulum, ubi sunt due mete de terra; et inde descendendo ad campum per aquam, que dicitur Sar; et inde iuxta aquam reflectitur uersus orientem ad primam metam. Vt autem hec a nobis facta confirmatio nullis unquam temporibus ualeat retractari, presenti eam pagina in notitiam deduci posterorum, et Regie auctoritatis sigillo iussimus insigniri, Datum per manus magistri Thome aule Regie Cancellarij anno ab Incarnacione Domini millesimo ducentesimo IX°. Venerabili Johanne Strigoniensi Archiepiscopo, Reuerendo Bertoldo Colocensi Electo et Bano existentibus; Calano Quinque-Ecclesiensem, Bolezlao Waciensem, Cathapano Agriensem, Symone Waradiensem, Willelmo Transiluanam, Desiderio Chenadiensem, Petro Geuriensem, Roberto Electo Bezprimiensem Ecclesias feliciter gubernantibus; Poch Palatino et Mussuniensi Comite, Michaele Woiauoda existentibus, Marcello Bachiensem, Jvla Budrigiensem, Bancone Bichoriensem, Nicholao Keweiensem, Ochuz Supruniensem, Moys Ferrei Castri, Mochone Posoniensem Comitatus tenentibus Regni nostri anno qvinto.

(Eredetie bőrhártyán, a pecsét már lemállott, a mélt. b. Révay család levéltárában.)