In nomine Sancte Trinitatis et Indiuidue Unitatis. Andreas Dei gracia Hungarie, Dalmacie, Chroacie, Rame, Seruie, Galicie (Lodome)rieqne Rex in perpetuum. Licet ad salutis et temporalis uite prouentum Regie plurimum expediat Excellencie, unicuiqne merita recompensacionum gratitudine refouere; speciali - - - - et propensius benigno quo debet fauore magnatum, quorum consilijs et uirtutibus Corone, Regnique status fulcitur inconcusse, res (illorum) usibus idoneis - - - - - - (peti)ciones, que in iuris tramite informantur, decenter ad(uer)tere. Proinde venerabilis in Christo patris ac fidelis nostri Johannis Archiepiscopi Strigoniensis deuocionem, quam - - - -, Regia pensantes discrecione et eius peticionibus debito concurrentes assensu, ob hoc pocius, quod primicias - - - - (sp)onte suscepit, quandam uillam, que dicitur Guerla, a jurisdiccione castri Bors exemptam, cum terra, que - - - - - incolis - - - - uocabulis Hrad, Voddu, Petrus, Velsa, Damana, Erdeu, Endre, Dedun, Forcos, Vros - - - eorum - - - Ecclesie sue perpetuo iure possidendam contulimus. Dedimus insuper et forum, tali libertate dotatum, ut neque tr(ibuta)rij, neque curialis Comes, neque biloti, neque alij exactores aliqua illud adire possint occasione, uel aliquam in eo facere exaccionem. Assignata est autem hec memorata superius possessio Archiepiscopo per fidelem nostrum Lucam filium Ipoliti. Quia vero animaduertimus cuncta humane negociacionis studia ob indictam hominibus uite breuitatem pertransire, uel obliuione nouercante posse deperire, prefatam Regie Serenitatis munificenciam in scriptis redigi et sigillo nostro fecimus eternari. Datum per manus Godefridi Orodiensis Prepositi et aule Regie Cancellarij, anno ab Incarnacione Domini M° CC° VI°. Ipso venerabili Johanne Strigoniensi Archiepiscopo existente, Pertoldo Colocensi Archielecto, Calano Quinque-Ecclesiensi, Bolezlao Vaciensi, Petro Geuriensi, Calanda Bespremiensi, Gotchardo Zagrabiensi, Symone Varadiensi, Desiderio Chenadiensi, Villelmo Ultrasiluano Episcopis existentibus. Mochone Palatino et Comite Bichoriensi, Chepano filio Micha Bano, Smaragdo. Vayavoda, Chepano Bachiensi, Marcello Chenadiensi, - - - Albensi, Gyula Budruguiensi, Mercurio Posoniensi, Benedicto Supruniensi, Martino de Ferreo Castro, Bancone de Nouo Castro Comitibus.

(Az eredeti után Knauz Nándor Magyar Sion II. köt. 127. l.)