118. A templomrendüeknek egyezkedése sz. Domián és Kozma knini monostorával bizonyos földek birtokáról. 1194.

In nomine Sancte et Individue Trinitatis. Anno ab Incarnatione Domini nostri Jhesu Christi M. C. LXXXXIIII. mense Julii die nono intrante, Indictione duodecima, apud Tynum, regnante domino nostro Bela Serenissimo Rege Ungarie, Dalmatie, Chroatie atque Rame, et Almerico filio super Dalmatiam et Chroatiam. Cum nos, nempe Petrus Spalatine Sedis Archiepiscopus, una cum Matheo Nonensi Episcopo, et Damiano Jadrentinensi Comite, ac Grubesia Spalatinensi Comite, ceterisque nobilibus, quorum nomina inferius subscribentur, in ecclesia Sancti Johannis de Tyno ad controversias, que inter Templarios et Monasterium Sanctorum Cosme et Damiani pro terris et aquarum discursibus vertebantur, resecandas de mandato Regio resideremus: post multas altercaciones et verba, que memorate Ecclesie inter se habebant, wadias ab utraque parte per stipitem de voluntate utriusque partis suscipientes, pro bono pacis et concordie talem inter utrasqne Ecelesias finem et divisionem auctoritate Regia composuimus: Vt incipiendo avia, que inter villam Tyni et villam Sanctorum Cosme et Damiani est, et eundo versus meridiem recto tramite usque ad Gomillam inferius, et abinde usque ad Blatam, quidquid in austro in terris et in aquis est, quod ad monasterium Sancti Damiani pertinuit, domui Templi remaneat perpetuo possidendum; praeter aquam Chriplinam, quam commune esse decernimus utrisque Ecclesiis; et quidquid a prefata via et terminis in partibus occidentis in terris et aquis, ac pascuis eciam ultra vallem Tyni habetur et ad Templarios spectavit, prefato Sancti Damiani monasterio sit amodo in perpetuum. Aquam vero Chicme cum aquarum discursibus Templarios habere jugiter statuimus, tali videlicet ordine, ut in ea molendina faciant qnotquot possunt, ita tamen, quod molendino Sanctorum Cosme et Damiani de Virbiza, quod est ultra Blatam, non noceat in aliquo. Volumus eciam et sancimus, ut prefata Sancti Damiani Ecclesia omnes terras illas, quas ultra Blatam et usque mare possedit antiquitus, et eciam si qua molendina sub suo molendino in austro fecerit, habeat et possideat semper absque omni Templariorum calumpnia. Stabilimus eciam, ut si qua utriusque partis (contra) antiqua testamenta vel scripta, preter hanc nostre constitutionis cartam, ire presumpserit, Omnipotentis Dei, Sanctorumque Apostolorum Petri et Pauli, ac Omnium Sanctorum, et nostram malediccionem incurrat; fiatque anathema, et super hoc pena duarum librarum auri mulctetur. Que omnia firma ac rata esse volumus, presente Gualterio Magistro, et fratre Aczo Preceptore, et omnibus. fratribus, et Dominico Abbate, Privioria monacho et Diminoscia monacho, cunctisque fratribus coram bis idoneis testibus: Petro Sagarelle, et Tolmatio, et Burello presbiteris Spalatinis. De Jadretinis vero fuerunt testes hii: Petrona Cucille, Peitiz Vitache, Peitiz Michaelis, Georgius Soppe, Bitte de Juda, Bitte Prestantii cum fratre Grisochono, Petrus Scluradi Templariorum Advoeatus et quamplures alii. De Sclavis vero fuerunt testes hii: de Dominis Juppanus, Wlcominis Juppanus, Betisius Jupanus, Grubescia Gaudii Jupanus, et Rillizus Jupanus cum pluribus aliis. Fuerunt etiam testes ibidem hii: venerabiles viri Gregorius Antivarensis Archiepiscopus, et Vincencius Sancti Grisogani Martiris Abbas cum suis monachis et multis de plebe. Et ego Blasius Sancte Anastasie Diaconus et Jadretine civitatis Notarius, qui interfui, hanc constitutionis et concordie cartulam iussu iamdicti Archiepiscopi Spalatensis et Nonensis Episcopi ac Comitum prescriptorum, ceterorumque testium rogatu, ut audivi, complevi, roboravi et signo consveto signavi.

(III. Incze pápa 1199. január 25 alatti megerősítő bullájából, Migne Innocentii III. Romani Pontif. Opera I. k. Paris 1855. 849. é., és Theiner Vetera Monumenta Slavorum Meridionalium 11. l. Fejér csak kivonatát adta Cod. Dipl. II. köt. 297. l., Farlati után Illyricum Sacrum III. köt. 225. l.)