Ego Bela tercius secundi Gyesse Regis filius Dei gracia Hungarie, Dalmacie, Croacie, Rameque Rex, condescendens peticionibus Petri Spalatensis Archiepiscopi, patroni videlicet monasterij Sancte Trinitatis, quod prope Quinqueecclesias situm est, et patroni monasterij Omnium Sanctorum de Okur nomine Baya de genere Zalok, pro quadam terra, que vulgo Temes dicitur, quam pater meus bone memorie Rex Gyesse, fideli suo Faulo de genere Chaak perpetuo possidendam contulerat, quam postmodum herede carens prefatis duabus Ecclesijs pro remedio anime sue, Regie auctoritatis priuilegio roboratam donauerit, eandem sacrario, prout in litteris supradictis perspexi; priuilegio nostre Maiestatis ad peticionem supradictorum sepedictis roborani monasterijs, signata certis metis, secundum tenorem predictarum litterarum. Mete autera eiusdem terre sunt hec: Incipit a meridionali parte iuxta villam Teustachij Almanu (Almam?), et idem fluuius Abna (Alma?) tendit ad occidentem usque Karantui, cum villa Resnohow; inde a septemtrione usque Karanseu; inde ad orientem Bermochuta; infra Thusuilliget, usque Terecheufew infra predictam siluam, et Vagiensem, currit ad meridionalem partem ad predictam Almam. Factum est autem hoc priuilegium in insula a Saulo filio Stephani Comitis Regie dignitatis Prothonotario, et a Redabano Preposito Capelle Regalis Magistro sigillatum est. Anno ab Incarnacione Domini Millesimo C.L.XXXIII., Nicolao existente Strigoniensi Archiepiscopo, Johanne Wesprimiensi Episcopo, Calano Quinqueecclesiensi Episcopo, Petro Agriensi Episcopo, Micudino Geuriense Episcopo; Dyonisio existente Bano, Farkasio Palatino Comite, Petro Curiali Comite, Gallo Culusiensi Comite, Thoma Albensi Comite.

(Szalóki Dániel családi levéltárából Véghely Dezső, Hazai Okmánytár I. köt, 1. l.)