067. Almissa kenéze és emberei békességet esküsznek Cattaro város községének. 1167.

Ego Nicola Kenesius Almyscii una cum meis consanguineis, et cum omnibus, qui sub meo dominio sunt, juramus tibi Vicecomiti Catharino, et omnibus Catharinis, super Dei Evangelia, salva fide et bona intentione, ut ab hodierna die nos et nostri successores vobiscum et vestris successoribus puram et rectam habeamus pacem, absque dolo usque ad nonam generationem; et si Catharinus conduxerit navem, et fecerit nobis justitiam, nullam laesionem ei faciemus; et a Malonto usque Trasti si viderimus navem, quae Catharum venire voluerit, nullum damnum ei faciemus. Sic nos Deus adjuvet, et haec sancta Dei Evangelia. Anno Domini Millesimo CLXVII.

(Farlati, Illyricum Sacrum VI. köt. 434. l.)